Let Zak 5:4 - Labib An Kreol Seselwa

⁴ La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.

Let Zak 5:4 ပူးပေါင်းရင်းမြစ်များ

Zenez 4:10

SENYER ti dir, “Ki ou'n fer? Disan ou frer pe kriy ver mwan depi later.

Liv Zob 34:28

Alor, zot in pous bann pov pour kriy ver Bondye e i ti antann lapriyer sa bann malere.

Liv Zob 7:2

Parey en lesklav ki rod lonbraz; parey en labourer ki pe esper son lapey.

Psonm 9:12

Bondye pa oubliy lapenn bann malere. I vanz sa enn ki fer krim.

Egzod 22:27

akoz sa i son sel lenz pour kouver son lekor. Dan kwa ki i pou dormi? Si ou prosen i kriy ver mwan, mon pou antann, akoz mon annan konpasyon.

Egzod 3:9

Aprezan, leokri bann Izraelit in ariv ziska kot mwan e mon'n war ki mannyer bann Ezipsyen pe fer zot soufer.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Ezai 5:9

La serman ki SENYER liniver ti fer rezonnen dan mon zorey: En kantite sa bann lakaz pour ganny abandonnen. Personn pa pou vin reste dan sa bann gran e zoli lakaz.

Zeremi 22:13

Maler lo sa dimoun ki fer son lakaz lo depan lazistis, e ki met letaz lo lenzistis; ki fer dimoun travay pour nanryen, ki pa pey son bann travayer.

Levitik 19:13

Ou pa pou eksplwat ou prosen; ou pa devre vol li. Pa gard ziska lannmen bomaten lapey en zournalye.

Habakouk 2:11

Ros dan miray pou kriye kont ou, e poto dibwa dan lakaz pou reponn li.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Matye 9:37

Alor, i ti dir avek son bann disip, “I annan en gran rekolt pour fer, me napa ase travayer.

Levanzil dapre Lik 18:7

Eski Bondye pa pou rann lazistis bann ki i'n swazir e ki priy li lizour koman aswar? Eski i pou fer zot espere?

Romen 9:29

Parey Ezai ti'n dir oparavan: Si Senyer Toupwisan pa ti'n donn nou en desandans, nou ti pou vin parey Sodonm, nou ti pou resanble Gomor.

Deterononm 15:9

Fer atansyon ou pa gard dan ou leker bann move panse an dizan: Setyenm lannen, lannen pour efas bann det pe aprose. Pa get avek en move lizye ou prosen ki dan bezwen e refize donn li keksoz. Ou vwazen ava kriy ver SENYER kont ou e ou ava'n fer en pese.

Kolosyen 4:1

Bann met! Tret zot serviter dan en fason drwat e zis. Rapel zot ki zot osi, zot annan en Met dan lesyel.