Let Zak 5:19 - Labib An Kreol Seselwa

¹⁹ Mon bann frer! Si enn parmi zot in elwanny li avek laverite, e si en lot i ranmenn li,

Let Zak 5:19 ပူးပေါင်းရင်းမြစ်များ

Psonm 119:118

Ou rezet tou sa bann ki abandonn ou regleman. Tou sa ki zot fer pour tronpe pa servi.

Psonm 119:21

Ou reprimann bann arogan, bann modi ki mars lwen avek ou komannman.

Proverb 19:27

Mon garson! Si ou aret ekout bann konsey, ou pa pou aprann nanryen.

Ezai 3:12

Zanfan ki pe kraz mon pep; fanm ki pe domin zot. Mon pep! Ou bann sef pe tronp ou. Zot pe anmenn ou dan move semen.

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Ezekyel 34:4

Zot pa pran ka avek bann mouton feb, ni sonny sa ki malad e pans sa ki'n ganny blese. Zot pa'n fer retournen sa ki'n egare, ni rod sa ki'n perdi. Me zot in domin lo zot avek lafors e montre zot kriyel.

Matye 18:15

“Si ou frer in ofans ou, al rod li e montre li son fot, li tousel, zis ant zot de. Si i ekout ou, ou ava'n reganny ou frer.

Levanzil dapre Lik 22:32

Me mon'n priy pour ou, pour ki ou pa perdi lafwa. Kan ou ava'n retourn ver mwan, ankouraz ou bann frer.”

Galat 6:1

Mon bann zanmi! Si zot arive sirprann en dimoun pe fer en keksoz mal, zot ki posed Lespri Bondye, zot devre anmenn li lo vre semen avek douser. Sakenn vey byen son prop lekor, fer atansyon ki ou menm, ou pa ganny tante.

1 Timote 6:10

Annefe, lanmour larzan i rasin tou kalite maler. Serten dimoun in telman anvi larzan ki zot in egare lwen avek lafwa e zot in met zot lekor dan en kantite tourman.

1 Timote 6:21

Annefe, i annan serten ki, afors proklanm bann tel konnesans, zot in fini par elwanny zot avek lafwa. Lagras Bondye ava avek zot.

2 Timote 2:18

Zot i'n ekart zot avek laverite, an dizan ki nou rezireksyon in fini pase. An fezan sa, zot pe met dout dan lafwa serten dimoun.

Ebre 5:2

Gran-Pret i ranpli avek febles. Alor, i kapab azir avek konpasyon anver sa bann ki dan linyorans e bann ki komet bann fot.

Let Zak 1:16

Mon bann frer byenneme! Pa les zot ganny anbete:

Let Zak 1:19

Mon bann frer byenneme! Konpran sa byen: Zot devre pare pour ekoute; me pran letan avan koze, avan pran lakoler,

Let Zak 3:14

Me si zot leker i ranpli avek en zalouzi anmer ek en lespri rivalite, aret vant zot lekor koman bann saz; aret fer ditor laverite par zot mansonz.

Let Zak 5:20

rapel sa byen: Sa enn ki ranmenn en peser lo bon semen e fer li abandonn son lerer, i pou sov en lavi dan lanmor. I pou ganny pardonnen bokou pese.

2 Pyer 3:17

Me zot, mon bann zanmi! Aprezan, zot in ganny averti. Alor, fer byen atansyon, pangar zot ganny antrennen par lerer sa bann lennmi Bondye. Konmsa, zot ava reste solid dan lafwa.

Let Zid 1:11

Maler lo zot! Zot in swiv menm semen ki Kaen. Pour larzan, zot in livre zot dan menm lerer ki Balaanm. Zot in ganny detri akoz zot in revolte parey Kore.