Let Zak 5:16 - Labib An Kreol Seselwa

¹⁶ Alor, konfes zot pese avek kanmarad, priy pour kanmarad, pour ki zot ava ganny gerizon. Lapriyer senser en dimoun zis, i fer bokou lefe.

Let Zak 5:16 ပူးပေါင်းရင်းမြစ်များ

Zenez 19:29

Letan Bondye ti detri bann lavil dan sa rezyon, i ti mazin Abrahanm. I ti sov Lot dan maler destriksyon sa bann lavil kot i ti reste.

Zenez 20:17

Apre, Abrahanm ti priy Bondye, ki ti geri Abimelek, son fanm ek son bann servant. Alor, zot ti kapab ganny zanfan.

Zenez 20:7

Aprezan, rann sa zonm son fanm, akoz i en profet. I ava priy pour ou e ou ava viv. Me si ou pa fer sa, ou pou mor, ou, avek tou ou fanmir.”

Zenez 32:28

I ti dir li, “Ou pou nepli apel Zakob, me Izrael, akoz ou'n lite kont Bondye e kont zonm, e ou'n ganny laviktwar.”

2 Samyel 19:19

I ti dir li, “Mon senyer! Pa pran kont mon fot. Oubliy sa fot ki mwan, ou serviter, mon ti komet kont ou ler ou ti kit Zerizalenm. Pa gard rankin kont mwan.

1 Rwa 13:6

Lerwa ti dir sa profet Bondye, “Sipliy SENYER ou Bondye pour ki mon lanmen i geri.” Sa profet Bondye ti priy SENYER, e lanmen lerwa ti geri e i ti retourn parey avan.

2 Kronik 30:20

SENYER ti ekout Ezekyas e i ti eparny lepep.

Liv Zob 42:8

Aprezan, pran set toro ek set bouk e al kot mon serviter Zob e ofer en sakrifis konplet pour zot menm. Mon serviter Zob ava priy pour zot e mon ava ekout son lapriyer. Konmsa, mon pa pou tret zot parey zot merite. Akoz zot pa'n koz laverite lo mwan, parey mon serviter Zob in fer.

Psonm 34:15

Lizye SENYER i fikse lo bann zis. Son zorey i ouver pour ekout zot ler zot kriye.

Egzod 17:11

Kan Moiz ti lev son lanmen, Izrael ti pli for, e kan i ti bes son lanmen, bann Amalesit ti pli for.

Egzod 9:33

Alor, Moiz ti sorti kot Faraon dan lavil. I ti lev son lanmen ver SENYER e loraz ek lagrel ti arete. Lapli osi ti arete.

Proverb 15:29

SENYER i reste lwen avek bann malfeter; me i ekout lapriyer sa enn ki zis.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Proverb 28:9

Sa enn ki bous son zorey pour li pa antann sa ki lalwa i dir, menm son lapriyer i donn degou.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Zeremi 42:2

kot profet Zeremi. Zot ti dir li, “Nou sipliy ou, priy SENYER ou Bondye pour nou. Priy pour nou tou ki'n reste vivan. Parey ou kapab war ou menm, i pa reste bokou nou.

Nonm 11:2

Lepep ti enplor Moiz ki ti priy SENYER e dife ti tennyen.

Matye 21:22

Tou sa ki zot pou demande par lapriyer avek lafwa, zot pou resevwar.”

Matye 3:6

Zot ti rekonnet piblikman zot pese e Zan ti batiz zot dan larivyer Zourden.

Mark 1:5

Tou bann zabitan provens Zide ek bann zabitan Zerizalenm ti vin kot li. Zot ti konfes zot pese an piblik e Zan ti batiz zot dan larivyer Zourden.

Levanzil dapre Lik 9:6

Bann disip ti ale. Dan sak vilaz kot zot ti pase, zot ti anons Bonn Nouvel e geri dimoun.

Levanzil dapre Zan 9:31

Nou konnen ki Bondye pa ekout bann ki viv dan pese, me i ekout dimoun ki annan respe pour li, e ki fer son lavolonte.

Akt de Zapot 10:38

Zot konnen koman Bondye ti konsakre Zezi ki sorti Nazaret avek pouvwar son Lespri Sen. Zot osi konnen koman Zezi, partou kot i ti ale, ti fer dibyen e geri tou bann dimoun ki ti anba pouvwar dyab, akoz Bondye ti avek li.

Akt de Zapot 19:18

Bokou, parmi bann ki ti'n vin krwayan, ti vini e konfes tou lemal ki zot ti'n fer.

Akt de Zapot 8:24

Simon ti reponn, “Ou menm, priy Senyer pour mwan pour ki okenn sa bann keksoz ki ou'n dir pa ariv mwan.”

Romen 3:10

Annefe, Lekritir i deklare: Napa personn ki zis, pa menm en sel.

Romen 5:19

Annefe, par dezobeisans en sel zonm, en kantite dimoun in tonm dan pese. Demenm, par lobeisans en sel zonm, en kantite dimoun in vin zis devan Bondye.

Kolosyen 1:9

Pour sa rezon, depi ki nou'n antann koz lo zot, nou'n kontinyen priy pour zot. Nou demann Bondye pour fer zot konn plennman son lavolonte, avek lasazes ek disernman ki son Lespri i donnen.

1 Tesalonisyen 5:17

Priy toultan!

1 Tesalonisyen 5:23

Bondye ki donn lape, ava konsakre zot konpletman. I ava gard zot lespri, zot lekor ek zot et antye san repros pour retour nou Senyer Zezi-Kri.

1 Tesalonisyen 5:25

Mon bann frer ek ser! Priy osi pour nou.

Ebre 11:4

Par lafwa, Abel ti ofer en meyer sakrifis ki sakrifis Kaen. Akoz lafwa Abel, Bondye ti deklar li zis. Pour sa rezon, i ti aprouv son lofrann. Par son lafwa, Abel pe kontinyen koze menm si i'n mor.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

Ebre 12:13

Fer bann santye byen drwat pour zot lipye, pour ki sa enn ki bwete pa deranz son lipye, me plito ki i geri.

Ebre 13:18

Priy pour nou. Nou sir ki nou annan en konsyans kler, akoz nou oule touzour donn legzanp.

Zozye 10:12

Alor, zour ki SENYER ti donn laviktwar Izrael lo bann Amorit, Zozye ti koz avek SENYER dan prezans tou bann Izraelit. I ti dir: Soley! Aret par lao Gabaon. Lalin! Reste lo vale Ayalonn.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.

1 Zan 3:22

Nenport kwa ki nou demann li, nou pou gannyen, akoz nou gard son komannman e nou fer sa ki fer li plezir.

1 Samyel 1:12

Pandan ki i ti pe priy SENYER, Eli ti obzerv son labous.

1 Samyel 12:17

Ozordi, pa i zour rekolt dible? Mon pou enplor SENYER e i pou fer loraz gronnyen e fer tonbe lapli. Alor, zot ava konpran ki zot in tre mal azir devan SENYER an demandan en lerwa.

1 Samyel 12:18

Samyel ti priy SENYER. Menm zour, SENYER ti anvoy loraz ek lapli. Tou lepep ti annan gran respe SENYER ek Samyel.