Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.
Si zot ti konn sa ki mon mazinen dan sekre, zot ti ava'n proklanm mon mesaz avek mon pep. Konmsa, zot ti ava'n kapab fer lepep sanz son mannyer viv, e son move mannyer fer.
Zerizalenm, Zerizalenm! Ou ki touy bann profet e donn koudros bann ki Bondye in anvoy kot ou! Konbyen fwa mon ti oule rasanble ou bann zanfan, parey en mer poul i rasanble son bann piti anba son lezel, me ou pa'n oule!
Pour lemoman, Zezi-Kri i bezwen reste dan lesyel ziska letan i arive pour renouvle tou keksoz, parey Bondye in anonse depi lontan par bann profet ki pour Bondye.
Lekel profet ki zot bann zanset pa'n persekite? Zot in touy tou bann ki'n anons larive sa enn ki Zis. Aprezan, li menm ki zot in trai e ki zot in touye.
Mon bann frer! Pa bezwen malparl kanmarad. Sa enn ki malparl son frer oubyen ziz son frer, i koz mal kont Lalwa, i pe ziz Lalwa. Si ou ziz Lalwa, ou nepli en pratikan Lalwa, me en ziz.
Mon bann frer! Pran pasyans ziska retour Senyer. Gete koman en fermye i espere avek pasyans, ki later i prodwir son rekolt presye: I esper avek pasyans, premye sezon lapli ek dernyen sezon lapli.