Let Zak 4:9 - Labib An Kreol Seselwa

⁹ Rekonnet zot lanmizer, plere e lamante! Sanz zot sourir an pler, zot lazwa an tristes.

Let Zak 4:9 ပူးပေါင်းရင်းမြစ်များ

Nehemi 8:9

Gouverner Nehemi, pret e skrib Esdras, ek bann levit ki ti pe ansennyen, ti dir lepep antye, “Sa zour i sakre pour SENYER, zot Bondye. Pa bezwen port dey ni plere.” Annefe, lepep antye ti pe plere ler zot ti pe ekout parol lalwa.

Liv Zob 30:31

Mon laarp i zwe zis lanmizik dey; mon laflit i akonpanny bann ki pe plere.

Psonm 119:136

Mon larm i koule parey en larivyer, akoz dimoun pa obei ou lalwa.

Psonm 119:67

Avan, mon ti'n egare, mon pa ti konnen ki mon ti pe fer. Me aprezan, mon pe gard ou komannman.

Psonm 119:71

In fer mwan dibyen ki mon'n ganny imilye. Konmsa, mon'n kapab etidye ou bann regleman.

Proverb 14:13

Leker i kapab tris menm ler ou pe riye; apre, lazwa i kapab vin en sagren.

Eklezyas 2:2

Mon ti war ki riye i en keksoz fou e bet; plezir pa anmenn okenn benefis.

Zeremi 31:13

Alor, bann zenn fiy ava danse dan lazwa; zennzan ek vyeyar pou fet ansanm. Mon pou sanz zot dey an lazwa; mon pou konsol zot e sanz zot tristes an lazwa.

Zeremi 31:9

Zot pou ariv an pleran; mon pou akonpanny zot e konsol zot; mon pou anmenn zot kot bann larivyer; mon pou fer zot mars lo en semen san danze, kot zot pa pou riske tonbe. Annefe, mon en papa pour Izrael, e Efraim i mon premye garson.

Lamantasyon 5:15

Nepli annan lazwa dan nou leker; nou ladans in vin dey.

Ezekyel 16:63

Alor, ou ava rapel lepase e ou ava kanmi avek laont san oze ouver labous. Me mwan, mon pou pardonn ou pour tou sa ki ou'n fer. Senyer BONDYE ki'n deklare.

Ezekyel 7:16

Si okenn sirvivan i sov dan montanny, zot tou, parey pizon ki plennyen, zot pou zemir akoz zot pese.

Matye 21:41

Zot ti reponn li, “I pou touy sa bann kriminel e i ava lwe sa plantasyon avek lezot lokater ki pou donn li son par letan rekolt.”

Matye 5:4

Byennere bann ki dan latristes, akoz zot pou ganny konsole!

Levanzil dapre Lik 16:25

Abrahanm ti reponn li: Mon garson! Rapel ou byen ki pandan ou lavi, ou ti ganny toudsort bon keksoz, tandis ki Lazar ti ganny bokou maler. Aprezan, i pe ganny son konsolasyon, e ou, ou pe soufer.

Levanzil dapre Lik 6:21

Byennere bann ki lafen aprezan, akoz zot pou rasazye. Byennere bann ki pe plere konmela, akoz zot pou riye!

Levanzil dapre Lik 6:25

Maler lo zot ki annan tou annabondans konmela! Zot pou lafen. Maler lo zot ki pe riye konmela! Zot pou dan dey e zot pou plere.