Let Zak 4:6 - Labib An Kreol Seselwa

⁶ Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.

Let Zak 4:6 ပူးပေါင်းရင်းမြစ်များ

2 Kronik 32:26

Me, malgre son larogans, Ezekyas ti anfen imilye li avek tou bann zabitan Zerizalenm. Lakoler SENYER ti apeze e i pa ti reazir kont zot pandan renny Ezekyas.

2 Kronik 33:12

Dan son gran maler, Manase ti sipliy faver SENYER son Bondye e i ti imilye li bokou devan Bondye son bann zanset.

2 Kronik 33:19

Son lapriyer e lafason ki Bondye ti ekout li, son bann pese ek lenfidelite anver Bondye in ganny ekri dan Liv Listwar Hozai. Sa liv i osi donn non bann landrwa kot Manase ti konstri bann landrwa sakre, kot i ti plas bann poto sakre ek bann stati, avan son imilyasyon.

2 Kronik 33:23

I pa ti imilye li devan SENYER parey son papa, Manase. I ti komet bokou plis fot ankor.

2 Kronik 34:27

Ou leker in ganny touse e ou'n imilye ou devan mwan ler ou ti antann tou sa bann parol kont Zerizalenm e kont son bann zabitan. Ou'n imilye ou devan mwan, ou'n desir ou lenz e ou'n plere. Alor, mwan osi mon'n antann ou, SENYER i deklare.

Liv Zob 22:29

Bondye i abes bann orgeye, i sov dimoun ki pa arogan.

Psonm 138:6

Menm si SENYER i lao dan lesyel, i pran ka avek bann ki pli mizerab e i rekonnet bann arogan depi byen lwen.

Psonm 9:12

Bondye pa oubliy lapenn bann malere. I vanz sa enn ki fer krim.

Egzod 18:11

Aprezan, mon konnen ki SENYER i pli gran ki tou bann bondye, akoz in delivre son pep dan lanmen bann Ezipsyen ki ti pe maltret zot avek larogans.”

Proverb 15:33

Respe pour SENYER i ansenny lasazes. Limilite i vin avan loner.

Proverb 18:12

Avan katastrof, leker en zonm i ranpli avek lorgey; me limilite i vin avan loner.

Proverb 22:4

Larises, loner ek lavi, i rekonpans sa enn ki posed limilite e respe pour SENYER.

Proverb 29:23

Lorgey en zonm pour imilye li; me sa enn ki senp, ava ganny loner.

Proverb 3:34

SENYER pa pran ka dimoun ensolan; me i bon anver dimoun senp.

Ezai 2:17

Dimoun orgeye pou ganny imilye; bann ki vantar pou ganny abese. Sa zour, zis SENYER ki pou ganny rekonnet pour son grander.

Ezai 54:7

Mon'n abandonn ou pour en moman, me dan mon konpasyon, mon pou rasanble ou.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Matye 13:12

Annefe, sa enn ki annan, pou ganny plis ankor annabondans. Me sa enn ki napa nanryen, pou ganny arase menm sa pti gin ki i annan.

Matye 23:12

Sa enn ki oule pas pour pli gran, pou ganny imilye, e sa enn ki imilye li, pou pas pour pli gran.”

Levanzil dapre Lik 1:52

I'n tir bann dimoun pwisan lo zot tronn, e i'n elev bann ki senp.

Levanzil dapre Lik 14:11

Annefe, sa enn ki monte, pou bezwen desann, e sa enn ki abes li menm, ava monte.”

Levanzil dapre Lik 18:14

Mon dir zot, sa kolekter taks ti retourn kot li son pese pardonnen, me pa sa Farizyen. Annefe, tou dimoun ki esey pas pour pli enportan, pou ganny abese e bann ki abes zot, pou vin pli enportan.”

Let Zak 4:10

Imilye zot devan Senyer e i ava elev zot.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.

1 Samyel 2:3

Aret koz parol arogan; pa les parol ensolan sorti dan ou labous, akoz SENYER i en Bondye ki konn tou. I ziz tou aksyon ki dimoun i fer.