Let Zak 4:5 - Labib An Kreol Seselwa

⁵ Zot krwar ki Lekritir i koz pour nanryen kan i deklare: Bondye i reklanm avek zalouzi, lespri ki i'n met dan nou.

Let Zak 4:5 ပူးပေါင်းရင်းမြစ်များ

Zenez 26:14

I ti annan en kantite zannimo: Troupo mouton, kabri, bef ek bokou serviter. Sa ti fer bann Filisten zalou li.

Zenez 30:1

Kan Rasel ti war ki i pa ti pe donn Zakob okenn zanfan, i ti zalou son ser. I ti dir Zakob, “Donn mwan en zanfan, sankwa mon pou mor!”

Zenez 37:11

Son bann frer ti zalou li, me son papa ti gard sa rev dan son lespri.

Zenez 38:9

Me Onann ti konnen ki sa desandans pa ti pou vin pour li. Alor, ler i ti al dormi avek fanm son frer, i ti zet deor, pour li pa donn son frer okenn desandans.

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

Psonm 106:16

Dan kan, zot ti zalou Moiz ek Aaron, en zonm konsakre pour SENYER.

Psonm 37:1

Pa bezwen pran lakoler kont bann malfeter; pa bezwen zalou bann kriminel.

Proverb 21:10

En malfeter i mazin zis fer sa ki mal; i napa pitye menm pour son zanmi.

Eklezyas 4:4

Mon'n war osi ki bann dimoun ki zot aktivite i selman pour reisir e depas lezot. Sa ankor i anven e en lakours deryer divan.

Ezai 11:13

Efraim pou nepli zalou, bann lennmi Zida pou ganny detri. Efraim pou nepli zalou Zida e Zida pou nepli lennmi Izrael.

Nonm 11:29

Moiz ti reponn li, “Eski ou zalou dan mon plas? Mon ti ava kontan ki SENYER i met son Lespri lo pep Izrael antye, konmsa tou dimoun ti ava profetize.”

Nonm 23:19

Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.

Levanzil dapre Zan 10:35

Nou konnen ki sa ki Lekritir in dir i vre, e Bondye ti apel sa bann dimoun avek ki i'n adres son mesaz, bann bondye.

Levanzil dapre Zan 19:37

Ankor en lot pasaz i dir: Zot pou get sa enn ki zot in transperse.

Levanzil dapre Zan 7:42

Lekritir pa i dir ki Mesi i devret en desandan lerwa David e sorti Betlehenm, vilaz kot David i sorti?”

Akt de Zapot 7:9

Nou bann patriars ti zalou Zozef, e zot ti vann li koman lesklav pour ganny anmennen Lezip. Me Bondye ti avek li.

Romen 1:29

Zot ranpli avek toudsort mesanste, move dezir, vis, zalouzi, krim, dispit, riz, malis. Zot lans bann fo lakizasyon.

Romen 9:17

Dan Lekritir, Bondye i dir avek Faraon: Mon'n etabli ou koman lerwa pour montre par ou, mon pwisans, pour fer mon non ganny konnen partou lo later.

1 Korentyen 6:19

Eski zot pa konnen ki zot lekor i Tanp Lespri Sen, sa Lespri ki dan zot, e ki Bondye in donn zot? Zot pa pour zot menm,

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

Galat 3:8

Lekritir ti'n prevwar ki Bondye pou zistifye bann non-Zwif akoz zot lafwa. Alor, i ti davans anons Abrahanm sa Bonn Nouvel kan i ti deklare: Tou bann nasyon pou ganny beni atraver ou.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.