Let Zak 4:11 - Labib An Kreol Seselwa

¹¹ Mon bann frer! Pa bezwen malparl kanmarad. Sa enn ki malparl son frer oubyen ziz son frer, i koz mal kont Lalwa, i pe ziz Lalwa. Si ou ziz Lalwa, ou nepli en pratikan Lalwa, me en ziz.

Let Zak 4:11 ပူးပေါင်းရင်းမြစ်များ

Psonm 140:11

Pa les dimoun ki fer kalonmni, viv dan pei. Ki maler i pourswiv sa enn ki servi vyolans.

Levanzil dapre Lik 6:37

“Pa zize e ou pa ava ganny zize. Pa kondann lezot, e ou pa ava ganny kondannen. Pardonnen e ou ava ganny pardonnen.

Romen 2:1

Ou! Nenport ki, ki ou ete; ou ki pas zizman lo lezot, ou napa okenn leskiz. Annefe, kan ou ziz lezot, e ki ou fer parey zot, ou pe kondann ou prop lekor.

Romen 2:13

Annefe, pa bann ki ekout Lalwa, ki ganny zistifye devan Bondye, me bann ki obei sa ki Lalwa i ordonnen, ki ganny zistifye.

Romen 7:7

Ki nou pou dir alor? Eski Lalwa dan li menm i pese? Sertennman non! Me par Lalwa, mon'n konnen kisisa pese. Mon pa ti pou konnen kisisa dezir si Lalwa pa ti dir mwan: Pa annan move dezir.

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

2 Korentyen 12:20

Mon per ki ler mon ariv kot zot, mon pa pou war zot parey mon ti ava kontan e ki zot osi, zot pa pou war mwan parey zot ti ava kontan. Mon per ki pou annan kerel, zalouzi, lannimozite, dispit, kalonmni, bavardaz, lorgey ek dezord.

Efezyen 4:31

Debaras zot avek tou move santiman, iritasyon e lakoler. Fer disparet tou kriye ek lensilt. Pa bezwen annan okenn santiman mesanste.

1 Timote 3:11

Bann fanm osi, zot devret serye, e pa abitye koz dimal lo lezot. Zot devre modere e fidel dan tou.

2 Timote 3:3

Zot pou annan leker dir, san pitye, kalonmnye zot prosen, vyolan, kriyel, lennmi tou sa ki byen.

Let Pol pour bann Tit 2:3

Dir osi bann fanm aze, ki zot devre konport zot koman dimoun ki pe viv en lavi sen. Zot pa devre kolport zaksyon ki fer ditor, ni vin lesklav lalkol. Zot devre sirtou donn bann bon konsey.

Let Zak 1:16

Mon bann frer byenneme! Pa les zot ganny anbete:

Let Zak 1:19

Mon bann frer byenneme! Konpran sa byen: Zot devre pare pour ekoute; me pran letan avan koze, avan pran lakoler,

Let Zak 1:25

Me sa enn ki byen egzamin lalwa parfe ki rann nou lib e ki persevere; sa enn ki pa zis ekoute pour oubliye apre, me ki met sa lalwa parfe an pratik, Bondye pou beni li dan tou sa ki i fer.

Let Zak 2:8

Byen sir, zot fer byen si zot obei lalwa Rwayonm Bondye. Parey Lekritir i deklare: Ou devre kontan ou prosen parey ou prop lekor.

Let Zak 5:10

Mon bann frer! Pran pour legzanp, lasoufrans ek pasyans bann profet ki'n anons mesaz Senyer.

Let Zak 5:7

Mon bann frer! Pran pasyans ziska retour Senyer. Gete koman en fermye i espere avek pasyans, ki later i prodwir son rekolt presye: I esper avek pasyans, premye sezon lapli ek dernyen sezon lapli.

Let Zak 5:9

Mon bann frer! Pa bezwen plenny kont kanmarad, pour zot pa ganny zize. Ziz i pros pou aparet; i devan laport.

1 Pyer 2:1

Alor, rezet, tou kalite mesanste, frod, lipokrizi, zalouzi ek medizans.