Let Zak 4:1 - Labib An Kreol Seselwa

¹ Kote lager ek kerel parmi zot i sorti? Eski pa i rezilta zot pasyon ki konbat san pozman dan zot lekor?

Let Zak 4:1 ပူးပေါင်းရင်းမြစ်များ

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Matye 15:19

Annefe, dan leker i sorti tou bann move panse: Mert, adilter, lavi imoral, vole, fer kalonmni, ek medizans.

Levanzil dapre Zan 8:44

Zot, dyab ki zot papa, e se dezir zot papa ki zot oule realize. Depi o konmansman i en kriminel, i pa'n zanmen kontan laverite, akoz napa laverite dan li. Kan i koz manti, i koz dapre son natir, akoz i manter e papa tou mansonz.

Romen 7:23

Me mon trouv en lot lalwa dan mwan ki lit kont lalwa ki dan mon lespri e ki fer mwan prizonnyen lalwa pese ki dan mwan.

Romen 7:5

Kan nou ti pe viv dapre nou prop natir, nou bann move dezir, eksite par Lalwa, ti travay dan nou lekor antye pour prodwi fri lanmor.

Romen 8:7

Si en dimoun i les li ganny kontrole par son natir imen, i vin lennmi Bondye. Annefe, i pa soumet li avek Lalwa Bondye e i menm enkapab fer li.

Galat 5:17

Annefe, dezir natir imen i kont lespri, e dezir Lespri i kont dezir natir imen. Tou le de, zot konpletman opoze avek kanmarad, de sort ki zot pa kapab fer sa ki zot ti ava oule.

Kolosyen 3:5

Alor, met anmor bann dezir materyel ki dan zot: Limoralite seksyel, lenpirte, pasyon, move dezir, lavaris (lavaris se idolatri).

2 Timote 2:23

Pa partisip dan bann diskisyon ensanse e bet. Parey ou konnen, zot provok lager.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

Let Pol pour bann Tit 3:9

Me evite fer bann diskisyon bet, bann long lalis bann zanset, kerel ek lager konsernan Lalwa. Tousala i initil e san valer.

Let Zak 1:14

An realite, tou dimoun i ganny tante kan i les li ganny antrennen e atire par son prop move dezir.

Let Zak 4:3

E kan zot demande, zot pa gannyen akoz zot mal demande. Zot demann zis pour zot prop plezir.

1 Pyer 1:14

Fer koman bann zanfan obeisan. Pa les bann dezir ki zot ti annan kan zot ti ankor dan linyorans, kontrol zot.

1 Pyer 2:11

Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

2 Pyer 3:3

Mon oule ki zot konnen avan tou, ki dan dernyen zour, pou annan bann dimoun ki pou viv an swivan zot prop dezir. Zot pour vin monk ou.