Let Zak 3:6 - Labib An Kreol Seselwa

⁶ Lalang osi i parey en dife. I en lemonn lemal ki'n ganny enstale dan nou lekor e i sali nou lekor antye. I met dife dan nou legzistans antye, avek en dife ki sorti depi lanfer.

Let Zak 3:6 ပူးပေါင်းရင်းမြစ်များ

2 Samyel 16:20

Absalon ti dir Ahitofel, “Rasanble konsey pour deside sa ki fodre nou fer.”

2 Samyel 19:43

Bann zonm pep Izrael ti reponn bann zonm pep Zida, “Lerwa i dis fwa plis pour nou, ki pour zot, e menm David, i plis pour nou. Alor akoz zot mepriz nou? Pa nou ki ti premye pour demande pour nou lerwa retournen?” Me bann zonm pep Zida ti montre zot pli agresif ki bann zonm pep Izrael.

2 Kronik 13:17

Abiya ek son larme ti ganny en gran laviktwar lo zot: 500,000 vayan gerye ti ganny masakre.

Psonm 140:3

Zot lalang i pwent parey lalang en serpan; anba zot lalev, zot annan venen serpan.

Psonm 64:3

Zot fit zot lalang parey en lepe. Zot parol i anmer. Zot blese parey en dart anpwazonnen

Proverb 15:1

En larepons trankil i repous lakoler; me en parol brit i provok lakoler.

Proverb 16:27

Dimoun malonnet i mazin fer sa ki mal; son labous i brile pour fer mesanste.

Proverb 6:19

en fo temwen, e enn ki senm diskord dan en fanmir.

Proverb 7:5

zot ava protez ou kont en lot fanm e kont sa fanm etranze ki konn anmyele.

Ezai 30:27

Gete! La SENYER pe vini. I sorti lwen. Son lakoler i en dife ki'n alimen; en gro lafimen ki monte. Son lalev i deborde avek lakoler e son lalang i parey en dife ki devor tou.

Ezai 50:11

Zot tou ki alim dife e ki posed bann dart pour met dife! Al mars dan laflanm zot prop dife e lo labrez ki reste. Tousala in arive par mwan; zot pou mor dan tourman.

Zeremi 20:10

Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Zeremi 28:16

Alor, la sa ki SENYER i deklare: Mon pou fer ou disparet lo sa later. Ou pou mor sa lannen, akoz ou'n fer dimoun revolte kont SENYER.

Levitik 24:11

Garson sa fanm Izraelit ti blasfenm non SENYER e ensilte li. I ti ganny anmennen devan Moiz. Sa fanm Izraelit ti apel Selomit, fiy Dibri, sorti dan tribi Dann.

Nonm 25:2

Sa bann fanm ti'n envit pep Izrael pour vin ofer sakrifis. Bann Izraelit ti manze e ador bann bondye Moab.

Nonm 31:16

Zot menm zot sa bann fanm ki, lo konsey Balaanm, ti antrenn bann Izraelit dan lenfidelite anver SENYER, kan nou ti kanpe Peor. Akoz zot ki sa fleo ti tonm lo pep SENYER.

Matye 12:24

Me kan bann Farizyen ti antann sa, zot ti dir, “Sa zonm i sas demon avek pouvwar sef demon, Belzebil.”

Matye 5:22

Me mwan mon dir zot: Sa enn ki pran lakoler kont son frer, pou ganny zize. Sa enn ki ensilte son frer, pou ganny zize devan tribinal. Sa enn ki tret son frer: Fou, pou ganny pini dan dife lanfer.

Mark 7:15

Napa nanryen ki antre dan zonm ki rann li enpir. O kontrer, sa ki sorti dan leker en zonm ki fer li enpir.

Levanzil dapre Lik 16:24

I ti kriy for: Per Abrahanm! Pran pitye pour mwan! Anvoy Lazar tranp son bout ledwa dan delo pour vin rafresir mon lalang, akoz mon pe soufer bokou dan sa laflanm.

Akt de Zapot 20:30

Menm parmi zot, pou annan dimoun ki pou leve pour ansenny bann mansonz pour antrenn bann krwayan avek zot.

Akt de Zapot 5:3

Pyer ti dir li, “Ananyas! Akoz ou'n les Satan pran kontrol ou leker? Ou'n koz manti avek Lespri Sen, an gardan en parti larzan ki ou'n gannyen pour sa propriyete.

Akt de Zapot 6:13

La, zot ti anmenn serten dimoun ki ti fer bann fo lakizasyon kont li. Zot ti dir: Sa zonm i toultan pe koz kont nou Tanp sen ek Lalwa.

Deterononm 13:6

I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

Let Zak 2:7

Sanmenm sa bann dimoun ki koz mal kont sa zoli non ki zot ti gannyen.

Let Zak 3:7

Tou bann lespes zannimo ek zwazo, reptil ek pwason, zot kapab ganny donte. Annefe, zot ganny donte par zonm.

2 Pyer 3:3

Mon oule ki zot konnen avan tou, ki dan dernyen zour, pou annan bann dimoun ki pou viv an swivan zot prop dezir. Zot pour vin monk ou.

3 Zan 1:10

Pour sa rezon, kan mon vini, mon pou denons tou sa ki i pe fer, bann parol mesanste ek mansonz ki i pe dir lo mwan. Konmsi sa pa ase, i refize resevwar bann krwayan. I anpes dimoun ki oule akey zot e i menase pous zot dan Legliz.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 13:14

Par sa bann mirak ki i ti'n ganny pouvwar fer dan prezans sa premye bebet, i ti tronp bann zabitan later. I ti demann zot fer en stati sa bebet ki ti'n ganny blese par lepe e ki'n reviv.

Revelasyon 18:23

Lalimyer lalanp pou nepli briy kot ou. Pou nepli antann lavwa nouvo ek nouvel marye kot ou, akoz ou bann marsan ti pli enportan lo later. Par ou bann pratik mazik, ou'n tronp tou nasyon.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.