Let Zak 3:5 - Labib An Kreol Seselwa

⁵ Demenm, lalang i en pti manm dan lekor. Me i kapab vant son lekor lo size gran keksoz enportan. Ou kapab osi mazinen, koman en pti dife i kapab brile e detri en gran lafore.

Let Zak 3:5 ပူးပေါင်းရင်းမြစ်များ

Liv Zob 22:17

Zot ti dir avek Bondye: Les nou trankil. Ki Bondye liniver i kapab fer nou?

Psonm 10:3

I vant son lekor akoz son bann move dezir. Akoz in reisi, i gognard SENYER e mepriz li.

Psonm 17:10

Zot leker i san okenn pitye. Zot labous i koz avek larogans.

Psonm 39:1

Mon ti dir: Mon pou vey mon konportman, pour mwan pa fer pese avek mon lalang. Mon pou met en bayon lo mon labous tan ki i annan malfeter devan mwan.

Egzod 15:9

Lennmi ti dir: Mon pou pourswiv zot, mon pou ganny zot. Mon pou ganny en par dan piyaz lager e mon pou rasazye. Mon pou tir mon lepe e mon pour detri zot.

Egzod 5:2

Faraon ti dir, “Lekel li sa SENYER pour ki mon devre ekoute e les pep Izrael ale? Mon pa konn sa SENYER. Mon pa pou les pep Izrael ale.”

Proverb 12:18

Bann parol anler i blese parey en lepe; me parol en saz i geri.

Proverb 15:2

Parol en saz i ogmant konnesans; me labous en fou i repann lafoli.

Proverb 18:21

Pouvwar lalang i donn swa lavi oubyen lanmor; sa enn ki kontan koze i devre aksepte son konsekans.

Proverb 26:20

Fot dibwa, dife i tennyen; kan nepli annan medizans, dispit i arete.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Ezekyel 28:2

Ou ki en imen, dir lerwa Tir: La sa ki Senyer BONDYE i deklare: Akoz lorgey in ranpli ou leker e ou'n dir: Mon en bondye; mon pe asiz lo son tronn lo milye lanmer. Me, ou pa bondye, ou zis en et imen. Ou konsider ou egal avek en bondye.

Ezekyel 29:3

Dir li: La sa ki Senyer BONDYE i deklare: Mon kont ou, Faraon, lerwa Lezip. Ou parey sa gran krokodil ki dormi dan milye larivyer. I dir: Sa i mon Nil, mon larivyer, mon'n fer li pour mwan.

Danyel 3:15

Aprezan, met zot pare, kan zot antann son tronpet, laflit, sitar, triyang, laarp, tanbour, e tou lezot lenstriman lanmizik, zot ava prosternen pour ador sa stati ki mon'n fer. Si zot pa ador li, zot pou deswit ganny zete dan fourno laflanm dife. Lekel sa bondye ki pou sov zot dan mon lanmen?”

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Let Zak 3:4

Pran legzanp en bato: Menm si i gro e i ganny pouse par gro divan, i kapab ganny dirize par en pti gouvernay. I pou al dan nenport direksyon ki son kaptenn i oule anmenn li.

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

Let Zid 1:16

Sa bann zonm ki touzour mekontan, pe touzour plennyen. Zot pe viv dapre zot bann move dezir. Zot koz avek ensolans, e zot flat dimoun dan zot prop lentere.