Let Zak 3:4 - Labib An Kreol Seselwa

⁴ Pran legzanp en bato: Menm si i gro e i ganny pouse par gro divan, i kapab ganny dirize par en pti gouvernay. I pou al dan nenport direksyon ki son kaptenn i oule anmenn li.

Let Zak 3:4 ပူးပေါင်းရင်းမြစ်များ

Zonas 1:4

Me SENYER ti fer soufle en gro divan lo lanmer. Tanpet ti sitan for, ki bato ti pre pour koule.

Matye 11:27

Mon Papa in donn mwan tou keksoz. Personn pa konn son Garson, eksepte son Papa, e personn pa konn son Papa, eksepte son Garson ek bann ki son Garson in swazir pour revel son Papa.

Matye 8:24

En sel kou, en gro divan ti leve lo lak. Divan ti sitan for, ki kannot ti preski kouver avek laroul. Me Zezi ti pe dormi.

Akt de Zapot 27:11

Me zofisye Romen ti annan plis konfyans dan lopinyon kaptenn ek propriyeter bato ki dan parol Pol.

Let Zak 3:3

Nou met en labrid dan labous seval pour fer li obei nou. Konmsa, nou kapab kontrol son lekor antye.

Let Zak 3:5

Demenm, lalang i en pti manm dan lekor. Me i kapab vant son lekor lo size gran keksoz enportan. Ou kapab osi mazinen, koman en pti dife i kapab brile e detri en gran lafore.