Let Zak 3:3 - Labib An Kreol Seselwa

³ Nou met en labrid dan labous seval pour fer li obei nou. Konmsa, nou kapab kontrol son lekor antye.

Let Zak 3:3 ပူးပေါင်းရင်းမြစ်များ

2 Rwa 19:28

Ou'n pran lakoler avek mwan e ou bann parol larogans in ariv ziska mon zorey. Mon pou met en lanmson dan ou nennen e en mor dan ou labous, e mon pou fer ou retourn kot ou sorti.

Liv Zob 41:13

Lekel ki kapab desir son lapo? Lekel ki kapab penetre son karapas epe?

Psonm 32:9

Pa fer parey en seval oubyen en bourik bet ki bezwen en mor ek en labrid pour kontrol zot lelan.

Psonm 39:1

Mon ti dir: Mon pou vey mon konportman, pour mwan pa fer pese avek mon lalang. Mon pou met en bayon lo mon labous tan ki i annan malfeter devan mwan.

Ezai 37:29

Ou'n pran lakoler kont mwan e ou bann parol larogans in ariv ziska mon zorey. Mon pou met en lanmson dan ou nennen e en mor dan ou labous e mon pou fer ou retourn kot ou sorti.

Let Zak 1:26

Sa enn ki krwar i relizye, si i pa kontrol son langaz, i pe anbet son lekor: Son relizyon pa vo nanryen.

Let Zak 3:4

Pran legzanp en bato: Menm si i gro e i ganny pouse par gro divan, i kapab ganny dirize par en pti gouvernay. I pou al dan nenport direksyon ki son kaptenn i oule anmenn li.