Let Zak 3:13 - Labib An Kreol Seselwa

¹³ Lekel parmi zot ki saz e annan disernman? I devre prouv li par son bon mannyer viv, par son bann bon aksyon fer avek douser ek lasazes.

Let Zak 3:13 ပူးပေါင်းရင်းမြစ်များ

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Psonm 107:43

Bann ki saz! Pran kont lo tousala e konpran ki SENYER i fidel.

Psonm 122:8

Pour lanmour mon bann frer ek mon bann zanmi, mon pou dir: Mon swet ou lape.

Psonm 149:4

SENYER i pran plezir dan son pep; i donn laviktwar bann ki pov.

Psonm 25:9

I gid dimoun senp lo semen lazistis; i ansenny zot son lavolonte.

Psonm 45:4

Dan ou mazeste, mont lo ou seval ver laviktwar pour defann laverite, labonte, lazistis. Montre ou pwisans par ou bann gran aksyon.

Eklezyas 8:1

Lekel sa zonm saz ki konn lenterpretasyon sa bann keksoz? Lasazes en zonm i met en sourir lo son vizaz e fer disparet pli lo son figir.

Eklezyas 8:5

Sa ki obei lord, pa pou ganny okenn problenm; me en zonm saz i konnen kan e ki mannyer fer keksoz.

Ezai 29:19

Bann senp pou trouv en gran lazwa dan SENYER. Bann pov pou rezoui dan sa sel Bondye, sen dan Izrael,

Ezai 60:6

En kantite samo pou kouver ou teritwar, bann zenn samo sorti Madyann ek Efa; tou bann zabitan ki sorti Saba pou vini. Zot pou anmenn lor ek lansan e zot pou proklanm louanz SENYER.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Zeremi 9:12

Eski i annan en dimoun saz pour eksplike akoz sa pei in ganny devaste, e akoz in vin sek parey en dezer kot personn nepli pase?

Zeremi 9:23

La sa ki SENYER i deklare: En dimoun saz pa devre vant son lasazes. Sa enn ki for pa devre vant son lafors. Sa enn ki ris pa devre fer vantar avek son larises.

Danyel 2:21

I sanz letan ek sezon, i ranvers en lerwa e etablir en lot lerwa; i donn lasazes bann saz e konnesans bann ki annan disernman.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Nonm 12:3

Moiz ti en zonm avek bokou limilite, plis ki nenport ki zonm lo later.

Matye 11:29

Pran mon fardo e aksepte mon lansennyman, akoz mon dou e dan mon leker i annan limilite e zot ava kapab repoze.

Matye 21:5

Dir Fiy Siyon: La ou lerwa pe vin kot ou, trankilman, monte lo en bourik, Lo en zenn bourik, piti en femel bourik.

Matye 5:5

Byennere bann ki dou, akoz zot pou posed later!

Matye 7:24

Alor, sa enn ki ekout mon bann parol e met zot an pratik, pou parey en zonm saz ki konstri son lakaz lo ros.

1 Korentyen 6:5

Mon dir sa pour zot prop laont. Eski napa parmi zot omwen en zonm ase saz ki kapab regle dispit ant frer?

2 Korentyen 10:1

Mwan Pol, mon ankouraz zot par ladouser ek labonte Kris, avek limilite ki zot dir mon annan kan mon parmi zot e avek lardyes kan mon lwen avek zot.

2 Korentyen 8:24

Alor, montre sa bann frer laprev zot lanmour, pour ki bann Legliz ava vreman sir ki nou annan rezon fyer akoz zot.

Galat 5:23

ladouser, kontrol lo son prop lekor. Lalwa pa kont bann keksoz parey.

Galat 6:1

Mon bann zanmi! Si zot arive sirprann en dimoun pe fer en keksoz mal, zot ki posed Lespri Bondye, zot devre anmenn li lo vre semen avek douser. Sakenn vey byen son prop lekor, fer atansyon ki ou menm, ou pa ganny tante.

Galat 6:4

Sakenn i devre egzamin son prop aksyon. Alor, si i annan keksoz pour fer li fyer, i ava fyer pour son prop aksyon, san ki i bezwen konpar pour li avek lezot.

Efezyen 4:2

Viv touzour dan limilite, ladouser ek pasyans. Siport kanmarad dan lanmour.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.

1 Timote 6:11

Pour ou ki en zonm Bondye, evit tousala. Atas ou avek lazistis, lafwa dan Kris, lanmour, pasyans ek ladouser.

2 Timote 2:25

I devre ansenny son bann ladverser avek douser, dan lespwar ki Bondye ava donn zot lokazyon sanz zot fason viv e konn laverite.

Let Pol pour bann Tit 3:2

Dir zot pa malparl personn, evit tou kerel e montre zot zanmi e poli avek tou dimoun.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

Let Zak 1:21

Alor, rezet tou bann salte dan zot lavi ek tou bann move mannyer viv. Aksepte avek douser parol ki Bondye in plant dan ou leker, akoz sa parol i annan pouvwar pou sov ou.

Let Zak 2:18

Petet en dimoun ava dir: Serten i annan lafwa e mwan, mon annan aksyon. Mon ava reponn li: Montre mwan ou lafwa san aksyon, e mwan, mon ava montre ou mon lafwa par mon aksyon.

Let Zak 3:1

Mon bann frer! Fodre pa ki parmi zot, bokou i oule vin ansennyan. Koman zot konnen, nou, bann ansennyan, nou pou ganny zize pli severman ki lezot.

Let Zak 3:17

Me lasazes ki sorti dan lesyel i premyerman pir. I kontan lape, i modere, pare pour met dakor. I ranpli avek pitye ek bon aksyon, san preferans e san lipokrizi.

1 Pyer 1:15

Parey Bondye ki'n apel zot i sen, zot osi, vin sen dan tou zot kondwit.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

1 Pyer 3:4

Me zot labote i devret en labote enteryer, dan leker, kot i pa kapab disparet. Labote en lespri bon e trankil ki annan en gran valer devan Bondye.