Let Zak 3:10 - Labib An Kreol Seselwa

¹⁰ Benediksyon ek malediksyon i sorti dan menm labous. Mon bann frer! Sa pa devre arive.

Let Zak 3:10 ပူးပေါင်းရင်းမြစ်များ

Zenez 20:9

Apre, Abimelek ti fer apel Abrahanm. I ti dir li, “Ki ou'n fer nou? Ki mon'n fer kont ou pour ou anmenn sa malediksyon lo mwan e lo mon rwayonm? Ou pa ti devre azir konmsa anver mwan.

2 Samyel 13:12

I ti reponn, “Non, mon frer, pa fors mwan. Nou pa azir konmsa dan Izrael, pa fer en tel akt degoutan.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Romen 12:14

Demann Bondye beni bann ki persekit zot; demann li pour beni zot, pa pour modi zot.

1 Korentyen 3:3

akoz zot ankor annan natir imen. Annefe, si i ankor annan zalouzi ek kerel parmi zot, sa pa i montre ki zot ankor annan natir imen? Zot pe konport zot dan fason imen.

1 Timote 5:13

An plis ki sa, akoz zot nanryen fer, zot pran labitid pas zot letan sorti dan en lakaz pour al dan en lot. Pir ki sa: Zot koz bonnavini, zot fournen, e koz lo sa ki pa konsern zot.

Let Zak 1:16

Mon bann frer byenneme! Pa les zot ganny anbete:

Let Zak 1:19

Mon bann frer byenneme! Konpran sa byen: Zot devre pare pour ekoute; me pran letan avan koze, avan pran lakoler,

Let Zak 3:1

Mon bann frer! Fodre pa ki parmi zot, bokou i oule vin ansennyan. Koman zot konnen, nou, bann ansennyan, nou pou ganny zize pli severman ki lezot.

Let Zak 3:11

Eski dan menm sours e par menm louvertir, i kapab sorti delo dou ek delo anmer?

Let Zak 3:9

Avek lalang nou loue Senyer, nou Papa, me nou osi modi bann et imen ki'n ganny kree dan resanblans Bondye.

1 Pyer 3:9

Pa rann lemal pour lemal, ni lensilt pour lensilt. Okontrer, reponn par loue Senyer, akoz pour sanmenm sa, ki Bondye in apel zot, pour resevwar son benediksyon.