Let Zak 2:26 - Labib An Kreol Seselwa

²⁶ Parey en lekor san lespri i mor, demenm, lafwa san aksyon i mor.

Let Zak 2:26 ပူးပေါင်းရင်းမြစ်များ

Psonm 104:29

Me ler ou vir ledo, zot per en kantite. Ler ou repran zot respirasyon, zot mor e zot retourn dan lapousyer.

Psonm 146:4

Kan zot rann zot dernyen souf, zot retourn dan later. Sa menm zour, zot bann plan i mor avek zot.

Eklezyas 12:7

avan ki lapousyer i retourn dan later kot in ganny tire e souf lavi i retourn kot Bondye ki ti donn li.

Ezai 2:22

Pa pran ka pour imen; i annan zis en souf dan son nennen. I pa vo nanryen.

Levanzil dapre Lik 23:46

Alor, Zezi ti kriy avek en lavwa for, “Papa! Mon remet mon lespri dan ou lanmen.” Kan i ti'n fini dir sa parol, Zezi ti rann son dernyen soupir.

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Let Zak 2:14

Mon bann frer! Ki benefis i annan pour en dimoun dir ki i annan lafwa, si i pa prouve par bann aksyon? Eski sa lafwa i kapab sov li?

Let Zak 2:17

I parey pour lafwa: Si i pa akonpannyen par aksyon, i en keksoz mor.

Let Zak 2:20

Enbesil! Oule mon prouv ou ki lafwa san aksyon napa valer?