Let Zak 2:21 - Labib An Kreol Seselwa

²¹ Nou papa Abrahanm, pa i ti ganny rekonnet zis par son aksyon, kan i ti ofer son garson Izaak lo lotel?

Let Zak 2:21 ပူးပေါင်းရင်းမြစ်များ

Psonm 143:2

Pa ziz ou serviter, akoz napa personn ki zis devan ou.

Ezai 51:2

Lev zot lizye ver Abrahanm, zot zanset e ver Sara ki'n donn zot nesans. Abrahanm ti napa zanfan ler mon ti apel li; apre, mon ti beni li e donn li bokou desandans.

Matye 12:37

Annefe, se par zot parol ki zot pou ganny zize, e ganny deklare inosan oubyen koupab.”

Matye 3:9

Pa zis dir dan zot menm: Abrahanm i nou papa. Les mwan dir zot ki Bondye i kapab servi sa bann ros ki la, pour fer zot vin desandans Abrahanm.

Levanzil dapre Lik 1:73

Par serman ki i ti fer avek nou zanset Abrahanm,

Levanzil dapre Lik 16:24

I ti kriy for: Per Abrahanm! Pran pitye pour mwan! Anvoy Lazar tranp son bout ledwa dan delo pour vin rafresir mon lalang, akoz mon pe soufer bokou dan sa laflanm.

Levanzil dapre Lik 16:30

Sa zonm ris ti reponn: Non, Papa Abrahanm. Me si en dimoun ki'n mor, i al kot zot, zot ava sanz zot lavi.

Levanzil dapre Zan 8:39

Zot ti reponn li, “Abrahanm i nou papa.” Zezi ti dir zot, “Si zot ti vreman zanfan Abrahanm, zot ti ava azir parey Abrahanm ti azir.

Levanzil dapre Zan 8:53

Nou papa, Abrahanm, in mor. Ou mazinen ou pli gran ki li? Bann profet osi in mor. Alor ki ou krwar ou ete?”

Akt de Zapot 7:2

Etyenn ti reponn: Mon bann frer e mon bann papa! Ekout mwan. Bondye dan son mazeste ti aparet avek nou zanset Abrahanm, kan i ti pe reste dan Mezopotami, avan ki i ti al reste Harann.

Romen 3:20

Annefe, napa personn ki pou pas pour zis devan li akoz in obei Lalwa. Lalwa i zis permet en dimoun konnen ki i'n komet pese.

Romen 4:1

Alor, ki nou pou dir lo Abrahanm nou zanset? Kwa ki in gannyen koman en zonm?

Romen 4:12

Abrahanm i osi papa bann sirkonsi, savedir bann ki pa'n zis ganny sirkonsi, me ki mars dapre legzanp lafwa nou papa Abrahanm avan ki i ti ganny sirkonsi.

Romen 4:16

Pour sa rezon, sa promes i depann lo lafwa, pour ki i vin en don gratwi ki Bondye i fer, e pour ki i valab pour tou bann desandan Abrahanm. Non pa zis pour bann ki obei Lalwa, me pour tou dimoun ki krwar, parey Abrahanm ti krwar. Annefe, Abrahanm i papa nou tou.

Ebre 11:17

Par lafwa, kan Bondye ti teste li, Abrahanm ti ofer Izaak an sakrifis. I ti pare pour ofer son sel garson an sakrifis, alor ki i ti'n resevwar en promes.

Let Zak 2:18

Petet en dimoun ava dir: Serten i annan lafwa e mwan, mon annan aksyon. Mon ava reponn li: Montre mwan ou lafwa san aksyon, e mwan, mon ava montre ou mon lafwa par mon aksyon.

Let Zak 2:24

Ou war alor, ki par son aksyon, en dimoun i ganny rekonnet koman zis devan Bondye, me pa zis par son lafwa.

Zozye 24:3

Mon ti pran zot papa Abrahanm depi lot kote larivyer; mon ti kondwir li atraver pei Kanaan antye; mon ti ogmant son desandans e mon ti donn li Izaak.