Let Zak 2:20 - Labib An Kreol Seselwa

²⁰ Enbesil! Oule mon prouv ou ki lafwa san aksyon napa valer?

Let Zak 2:20 ပူးပေါင်းရင်းမြစ်များ

Proverb 12:11

Sa enn ki kiltiv son later i annan bokou pour manze; sa enn ki fer bann rev initil i mank larezon.

Zeremi 2:5

La sa ki SENYER i deklare: Ki zot zanset i annan kont mwan ki'n fer zot kas relasyon avek mwan, pour zot al ador bann zidol initil e rann zot menm initil?

Romen 1:21

Zot konn Bondye, me zot napa okenn respe pour li; zot pa ni menm remersye li koman i fodre. O kontrer zot in vin konpletman fou, e zot lespri san disernman i dan teneb.

Romen 3:28

Annefe, nou krwar ki en dimoun i ganny zistifye par son lafwa, me pa akoz i'n obei lalwa.

Romen 9:20

Me ki ou ete ou, zonm, pour ou kontredir Bondye? Eski en po later i kapab demann avek son fabrikan: Akoz ou'n fer mwan konmsa?

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Galat 6:3

Si en dimoun i krwar ki i enportan, alor ki i en nanryen ditou, i pe anbet son prop lekor.

Kolosyen 2:8

Fer atansyon ki zot pa ganny atrape par bann fo largiman filozofik, ki pa fonde lo Kris, me lo lasazes imen, lo tradisyon zonm, ek bann lespri ki kontrol lemonn.

1 Timote 1:6

Serten pa'n swiv sa legzanp e zot in egare dan bann diskisyon bet.

Let Pol pour bann Tit 1:10

Annefe, i annan bokou, sirtou parmi bann kretyen Zwif, ki rebel e ki tronp lezot par zot bann parol vid.

Let Zak 1:26

Sa enn ki krwar i relizye, si i pa kontrol son langaz, i pe anbet son lekor: Son relizyon pa vo nanryen.

Let Zak 2:17

I parey pour lafwa: Si i pa akonpannyen par aksyon, i en keksoz mor.

Let Zak 2:26

Parey en lekor san lespri i mor, demenm, lafwa san aksyon i mor.