Let Zak 2:13 - Labib An Kreol Seselwa

¹³ Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.

Let Zak 2:13 ပူးပေါင်းရင်းမြစ်များ

Zenez 42:21

Zot ti dir ant zot: I vre nou koupab konsernan nou frer. Nou ti war son soufrans kan i ti sipliy avek nou, me nou pa ti ekout li. La aprezan sa maler in tonm lo nou.

2 Kronik 28:11

Alor, ekout mwan: Fer sa bann prizonnyen ki zot in pran parmi zot frer, retourn kot zot, akoz SENYER pou tourn son gran lakoler kont zot.”

Psonm 18:25

Ou fidel anver sa enn ki fidel. Ou bon anver sa enn ki bon.

Psonm 85:10

Labonte ek fidelite ava zwenn ansanm; lazistis ek lape ava anbras kanmarad.

Proverb 21:13

Sa enn ki bous son zorey ler en pov i kriye, pa pou ganny okenn larepons zour i ava kriye.

Proverb 22:16

Sa enn ki kraz en pov pou rann li ris; sa enn ki donn en ris, pou vin pov li menm.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Zeremi 9:24

Si en dimoun i oule fer vantar, fer li akoz i ase malen pour konn mwan. Mwan, SENYER, mon azir avek fidelite, lazistis e avek drwatir. Sanmenm sa ki fer mwan plezir. SENYER i deklare.

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Matye 5:7

Byennere bann ki annan konpasyon pour lezot, akoz Bondye pou annan konpasyon pour zot!

Matye 6:15

Me si zot pa pardonn lezot dimoun, zot Papa osi pa pou pardonn zot, lemal ki zot in fer.

Levanzil dapre Lik 16:25

Abrahanm ti reponn li: Mon garson! Rapel ou byen ki pandan ou lavi, ou ti ganny toudsort bon keksoz, tandis ki Lazar ti ganny bokou maler. Aprezan, i pe ganny son konsolasyon, e ou, ou pe soufer.

Levanzil dapre Lik 6:37

“Pa zize e ou pa ava ganny zize. Pa kondann lezot, e ou pa ava ganny kondannen. Pardonnen e ou ava ganny pardonnen.

Let Zak 3:17

Me lasazes ki sorti dan lesyel i premyerman pir. I kontan lape, i modere, pare pour met dakor. I ranpli avek pitye ek bon aksyon, san preferans e san lipokrizi.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.

Ziz 1:7

Adoni-Bezek ti dir, “70 lerwa ki ti'n ganny pous lanmen ek lipye koupe ti vin ranmas restan manze anba mon latab. Sa ki mon'n fer, Bondye in rann mwan laparey.” I ti ganny anmennen Zerizalenm kot i ti mor.

Ziz 5:27

I ti afese devan li; i ti tonbe, i ti tale ater. I ti afese devan li; i ti tonbe. I ti tonbe, red mor, la kot i ti afese.