Let Zak 1:9 - Labib An Kreol Seselwa

⁹ En frer ki pov, i devre santi li fyer ki Bondye in lev li anler.

Let Zak 1:9 ပူးပေါင်းရင်းမြစ်များ

Psonm 62:9

Bann et imen i parey en souf respirasyon; bann zabitan later, zot manter. Si zot mont lo en balans, zot pa pou pez plis ki en souf.

Proverb 17:5

Sa enn ki mepriz en pov i ensilte son Kreater; sa enn ki kontan maler lezot pou ganny pini.

Proverb 19:1

Vomye en pov ki viv onnetman, ki en ipokrit ki bet.

Ezai 29:19

Bann senp pou trouv en gran lazwa dan SENYER. Bann pov pou rezoui dan sa sel Bondye, sen dan Izrael,

Levanzil dapre Lik 1:52

I'n tir bann dimoun pwisan lo zot tronn, e i'n elev bann ki senp.

Levanzil dapre Lik 10:20

Malgre sa, pa rezoui akoz bann lespri in soumet avek zot; me rezoui plito akoz zot non in ganny ekri dan lesyel.”

Levanzil dapre Lik 14:11

Annefe, sa enn ki monte, pou bezwen desann, e sa enn ki abes li menm, ava monte.”

Levanzil dapre Lik 9:48

I ti dir zot, “Sa enn ki resevwar sa zanfan an mon non, i resevwar mwan menm, e sa enn ki resevwar mwan, i resevwar sa enn ki'n anvoy mwan. Sa enn ki pli pti parmi zot, li menm ki pli enportan.”

Romen 8:17

E si nou son bann zanfan, alor, nou osi son bann zeritye: Zeritye Bondye, e zeritye ansanm avek Kris, akoz si nou soufer avek li, nou pou osi ganny glorifye avek li.

2 Korentyen 6:10

Nou pas par latristes, me nou touzour dan lazwa. Nou pov, me nou anrisi bokou dimoun. Nou paret napa nanryen, me an realite nou posed tou!

Deterononm 15:11

Akoz pou touzour annan dimoun ki dan bezwen lo sa later, alor, mon ordonn ou: Ouver ou lanmen anver ou prosen pov e anver sa enn ki dan bezwen dan ou pei.

Deterononm 15:7

Si kot ou, i annan en dimoun ki dan bezwen, en manm ou kominote dan nenport lekel lavil dan sa pei ki SENYER, ou Bondye pou donn ou, pa ferm ou leker, ni ou lanmen devan ou prosen ki dan bezwen.

Deterononm 15:9

Fer atansyon ou pa gard dan ou leker bann move panse an dizan: Setyenm lannen, lannen pour efas bann det pe aprose. Pa get avek en move lizye ou prosen ki dan bezwen e refize donn li keksoz. Ou vwazen ava kriy ver SENYER kont ou e ou ava'n fer en pese.

Filipyen 3:14

Mon taye pour mwan ariv lo bit, pour ganny sa pri ki Bondye, par Zezi-Kri, in apel nou pour resevwar depi lao.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Revelasyon 2:9

Mon konn ou bann soufrans, ek ou mizer. Pourtan, ou ris. Mon konn dimal ki bann swadizan Zwif, me ki pa Zwif i dir lo ou. An realite, zot form en lasanble Satan.

1 Samyel 2:8

I relev bann pov ki'n tonm dan lapousyer; i tir en malere lo son ta salte, pour fer li asiz avek bann sef. I donn li pour patrimwann en plasdoner. Akoz fondasyon later antye i pour SENYER; se li ki'n plas lemonn lo la.