Let Zak 1:4 - Labib An Kreol Seselwa

⁴ Me fodre ki zot pasyans i manifeste konpletman. Konmsa, zot ava vin parfe, san defo, e zot pa ava mank nanryen.

Let Zak 1:4 ပူးပေါင်းရင်းမြစ်များ

Liv Zob 17:9

Sa enn ki zis i reste ferm dan son semen. Sa enn ki son lanmen i prop i vin pli determinen.

Psonm 37:7

Gard silans devan SENYER, esper li avek pasyans. Pa pran lakoler kont sa bann ki reisi dan lavi, kont sa ki fer bann move kou.

Psonm 40:1

Avek pasyans, mon'n esper led SENYER. I'n port atansyon lo mwan e i'n antann mon lapel.

Proverb 4:8

Ser lasazes dan ou lebra e i ava fer ou vin enportan; i ava onor ou si ou ser li for kont ou.

Habakouk 2:3

Annefe, sa i ankor en vizyon pour en letan ki'n ganny fikse. I pou realize byento; sa i laverite. Si i tarde, espere, akoz i pou sirman realize, san tarde.

Matye 10:22

Tou dimoun pou ay zot akoz mwan. Me sa enn ki persevere ziska lafen, pou ganny sove.

Matye 19:20

Sa zennonm ti reponn, “Mon'n obei tou sa bann komannman. Ki mon devre fer ankor?”

Matye 5:48

Zot alor, zot devre parfe parey zot Papa ki dan lesyel i parfe.

Mark 10:21

Alor, Zezi ti get li e i ti kontan li. I ti dir li, “En sel keksoz i mank ou: Ale, vann tou sa ki ou annan e donn bann pov; alor, ou ava ganny en trezor dan lesyel. Apre, vini e swiv mwan.”

Levanzil dapre Lik 18:22

Kan Zezi ti antann sa, i ti dir li, “Alor, i mank ou en sel keksoz: Vann tou sa ki ou posede e partaz sa larzan avek bann pov. Alor ou ava ganny en trezor dan lesyel. Apre vini, swiv mwan.”

Levanzil dapre Lik 21:19

Par zot perseverans, zot ava sov zot lavi.”

Levanzil dapre Lik 8:15

Bann lagrenn ki tonm dan bon later se bann ki antann Laparol avek en leker onnet e bon; zot gard li e avek perseverans zot prodwir bokou fri.”

Levanzil dapre Zan 17:23

Mon dan zot, e zot dan mwan. Konmsa, zot ava vin vreman en sel. Alor, lemonn ava konnen ki ou ki'n anvoy mwan, e ki ou kontan zot parey ou kontan mwan.

1 Korentyen 2:6

Pourtan, nou anons en mesaz lasazes parmi bann kretyen adilt; non pa lasazes sa lemonn, ni lasazes bann dirizan sa lepok ki pou ganny detri.

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

Kolosyen 4:12

Epafras osi ki sorti kot zot i fer zot salanm. Sa serviter Zezi-Kri pa zanmen aret lite pour zot dan lapriyer, pour ki zot reste solid, koman bann dimoun matir, dan lobeisans lavolonte Bondye dan tou.

1 Tesalonisyen 5:23

Bondye ki donn lape, ava konsakre zot konpletman. I ava gard zot lespri, zot lekor ek zot et antye san repros pour retour nou Senyer Zezi-Kri.

2 Timote 3:17

Konmsa, dimoun ki servi Bondye ava byen prepare e byen ekipe pour fer tou bann bon aksyon.

Ebre 13:21

Mon demande ki i rann zot kapab pour pratik tou sa ki byen. Konmsa, zot ava akonpli son lavolonte. Ki i realiz dan nou tou, sa ki fer li plezir, par Zezi-Kri ki merit laglwar pour touzour. Amenn.

Let Zak 1:5

Si parmi zot i annan enn ki mank lasazes, ki i demande e Bondye ava donn li. Annefe, Bondye i donn tou dimoun zenerezman san fer okenn repros.

Let Zak 3:2

Nou tou, nou komet lerer dan plizyer mannyer. Si en dimoun pa zanmen komet lerer dan sa ki i dir, i en dimoun parfe ki kapab kontrol son lekor antye.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

2 Pyer 1:9

Sa enn ki pa posed sa bann kalite i koman en aveg; son lizye in fermen. I'n oubliye ki son bann pese otrefwa in ganny pardonnen.