Let Zak 1:3 - Labib An Kreol Seselwa

³ Annefe, zot konnen ki si zot lafwa i reziste dan leprev, i prodwi pasyans.

Let Zak 1:3 ပူးပေါင်းရင်းမြစ်များ

Levanzil dapre Lik 21:19

Par zot perseverans, zot ava sov zot lavi.”

Romen 15:4

Tou sa ki'n ganny ekri dan lepase in ganny ekri pour enstrir nou, pour ki par perseverans ek lankourazman ki Lekritir i donnen, nou posed lesperans.

Romen 2:7

Bann ki fer lebyen, pou ganny laglwar, loner ek limortalite.

Romen 8:25

Me si nou esper sa ki nou pa ankor war, nou esper avek pasyans.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

2 Korentyen 4:17

Nou bann pti soufrans aktyel pe prepar pour nou en gran laglwar eternel ki napa okenn konparezon.

Kolosyen 1:11

Nou demann Bondye pour fortifye zot par pwisans son mazeste, pour ki zot ava kapab siport tou avek pasyans.

2 Tesalonisyen 1:4

Pour sa rezon, dan bann Legliz, nou fyer akoz zot, pour zot perseverans ek zot lafwa, malgre bann persekisyon ek bann soufrans ki zot pas ladan.

2 Tesalonisyen 3:5

Mon demann Senyer gid zot leker dan lanmour pour Bondye e dan pasyans ki Kris i donnen.

Ebre 10:36

Zot bezwen persevere pour akonpli lavolonte Bondye e resevwar sa ki i'n promet zot.

Ebre 12:1

Nou osi, nou'n ganny antoure par en tel gran lafoul temwen. Annou debaras nou avek tou fardo ki ralanti nou lamars, partikilyerman avek tou pese ki anserkle nou si fasilman. Annou, avek determinasyon, fer sa lakours ki nou'n ganny propoze.

Ebre 6:12

Alor, pa fer pares, me swiv legzanp bann ki krwar e ki persevere pour zot erit bann promes Bondye.

1 Pyer 1:7

Tousala i vin lokazyon donn vre valer zot lafwa, ki pli presye ki lor. Parey lor, malgre ki i kapab abimen kan i ganny teste par dife, zot lafwa i devre ganny teste pour montre son valer. Alor, i ava servi pour rann glwar, louanz ek loner Zezi-Kri, kan i pou ganny revele.

2 Pyer 1:6

Azout avek vre konnesans Bondye, disiplin lo zot lekor, avek disiplin lo zot lekor, perseverans, e avek perseverans, fidelite anver Bondye.