Let Zak 1:26 - Labib An Kreol Seselwa

²⁶ Sa enn ki krwar i relizye, si i pa kontrol son langaz, i pe anbet son lekor: Son relizyon pa vo nanryen.

Let Zak 1:26 ပူးပေါင်းရင်းမြစ်များ

Liv Zob 15:13

Kont Bondye ki ou pe tir ou lakoler e les sa bann move parol sorti dan ou labous.

Liv Zob 30:11

Akoz Bondye in pran mon lafors e rann mwan san defans, zot fer sa ki zot oule avek mwan.

Psonm 141:3

SENYER! Met en kadnan lo mon labous; vey lo laport mon labous.

Psonm 32:9

Pa fer parey en seval oubyen en bourik bet ki bezwen en mor ek en labrid pour kontrol zot lelan.

Psonm 34:13

Alor gard ou lalang kont lemal e vey ou labous kont mansonz.

Proverb 10:19

Kot i annan bokou koze, pese pa manke; sa enn ki konn kontrol son lalang i pridan.

Proverb 10:31

Lasazes i sorti dan labous sa enn ki zis; me lalang bann manter pou ganny koupe.

Proverb 14:12

En semen i kapab paret drwat pour en zonm; me apre, i en semen ki kondwir ver lanmor.

Proverb 15:2

Parol en saz i ogmant konnesans; me labous en fou i repann lafoli.

Proverb 16:10

Lerwa i koz avek lotorite sorti kot Bondye; i pa tronpe dan son zizman.

Proverb 16:25

En semen i paret drwat pour en zonm; me finalman, i en semen ki kondwir ver lanmor.

Proverb 19:1

Vomye en pov ki viv onnetman, ki en ipokrit ki bet.

Proverb 21:26

I touzour anvye lezot; me sa enn ki zis i donnen san gard nanryen pour li.

Ezai 1:13

Aret anmenn bann lofrann i initil. Loder lansan i degoutan. Mon nepli kapab siport zot bann lafet nouvellin; bann saba e bann konvokasyon solannel ki melanze avek mesanste.

Ezai 44:20

I nouri li lo sa ki reste zis lasann. Son lespri pe derezonnen i nepli kapab disernen. I nepli kapab dir dan li menm: Sa ki dan mon lanmen drwat, i zis en fo?

Malasi 3:14

Zot in dir: Pa vo lapenn servi Bondye. Akfer ki nou bezwen obei son komannman e fer krwar SENYER liniver ki nou pe anmenn dey?

Matye 15:9

Zot ladorasyon i initil. Zot ansenny bann komannman ki'n ganny fer par zonm!”

Mark 7:7

Zot ladorasyon i initil; zot ansenny bann komannman ki'n ganny fer par zonm.

Levanzil dapre Lik 8:18

Fer byen atansyon mannyer zot ekoute. Sa enn ki annan, pou ganny plis ankor. Me sa enn ki napa, pou ganny arase, menm sa ki i krwar i annan.”

1 Korentyen 15:15

Nou menm pas pour bann fo temwen Bondye, akoz nou dir ki Bondye in resisit Kris. Si Bondye pa'n resisit li, alor i vre ki napa rezireksyon bann mor.

1 Korentyen 15:2

Par li, zot kapab ganny sove si zot gard li parey mon'n anons zot. Sinon, zot in aksepte lafwa anven.

1 Korentyen 3:18

Fodre pa ki personn i anbet son lekor: Si enn parmi zot i krwar ki i malen dapre sa lemonn, fodre ki i vin fou pour li ganny lasazes,

Galat 2:6

Me bann ki ti ganny konsidere koman dirizan parmi zot, pa fer mwan nanryen pour konnen ki zot ti ete, akoz Bondye pa ziz dapre laparans; sa bann dirizan pa ti enpoz okenn nouvo lord lo mwan.

Galat 2:9

Kan zot ti rekonnet lagras ki mon ti'n gannyen, Zak, Pyer ek Zan ki ti ganny konsidere koman bann dirizan, bann kolonn, zot ti donn mwan ek Barnabas lanmen drwat; sa ti koman en siny lakominyon. Alor, nou ti tonm dakor ki Barnabas ek mwan, nou pou al kot bann non-Zwif e zot, zot pou al kot bann Zwif.

Galat 3:4

Eski zot in fer tou sa bann leksperyans pour nanryen ditou? Sa i pa posib.

Galat 6:3

Si en dimoun i krwar ki i enportan, alor ki i en nanryen ditou, i pe anbet son prop lekor.

Efezyen 4:29

Pa les bann move parol sorti dan zot labous; me koz zis bann parol itil ki kapab ed lezot pour progrese dan lafwa e kan i neseser, pour fer dibyen sa enn ki ekout ou.

Efezyen 5:4

I pa byen osi ki zot servi langaz obsenn, parol grosye e vilger. Zot devre plito montre Bondye zot rekonesans dan lapriyer.

Deterononm 11:16

Me atansyon zot pa les zot leker ganny sedwir pour al servi e ador lezot bondye.

Kolosyen 4:6

Veye ki zot parol i touzour agreab e enteresan, pour zot kapab donn bann repons valab tou dimoun.

Let Zak 1:19

Mon bann frer byenneme! Konpran sa byen: Zot devre pare pour ekoute; me pran letan avan koze, avan pran lakoler,

Let Zak 1:22

Pa bezwen tronp zot lekor: Pa zis ekout Parol Bondye; fodre osi met li an pratik.

Let Zak 2:20

Enbesil! Oule mon prouv ou ki lafwa san aksyon napa valer?

1 Pyer 3:10

Annefe, la sa ki Lekritir i deklare: Sa enn ki oule viv en lavi agreab e war bann zour ere, i devre prezerv son lalang kont lemal e son lalev i devre aret koz manti.