Let Zak 1:14 - Labib An Kreol Seselwa

¹⁴ An realite, tou dimoun i ganny tante kan i les li ganny antrennen e atire par son prop move dezir.

Let Zak 1:14 ပူးပေါင်းရင်းမြစ်များ

Zenez 3:6

Sa fanm ti war ki fri sa pye dibwa ti zoli e bon pour manze. I ti donn li lanvi manze pour li ganny konnesans. I ti pran enn e i ti manze. I ti donn osi en morso son mari ki ti obor li, e i ti manze.

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

2 Samyel 11:4

Alor David ti anvoy mesaze al sers li. I ti vini, e David ti dormi avek li. Apre i ti retourn se li. (I ti'n fek fini pirifye li apre son reg.)

Liv Zob 31:27

si mon leker in ganny tante an sekre e anbras mon lanmen avek mon labous;

Liv Zob 31:9

Si mon'n les mon leker ganny atire par en fanm, si mon'n get deryer laport mon prosen,

Proverb 4:23

Sirtou, vey lo ou leker, akoz i sours lavi.

Ezai 44:20

I nouri li lo sa ki reste zis lasann. Son lespri pe derezonnen i nepli kapab disernen. I nepli kapab dir dan li menm: Sa ki dan mon lanmen drwat, i zis en fo?

Oze 13:9

Izrael! Mon pou detri ou, lekel ki pou delivre ou?

Matye 15:18

Me sa ki sorti dan son labous, i sorti dan son leker. Sa, ki rann en dimoun enpir.

Matye 15:20

Se sa bann keksoz ki rann en dimoun enpir. Me manze san lav lanmen, pa rann en dimoun enpir.”

Matye 4:1

Alor, Lespri ti anmenn Zezi dan dezer, pour li ganny tante par dyab.

Matye 5:28

Me mwan mon dir zot: En dimoun ki get en fanm avek lanvi, i'n deza komet adilter avek li dan son leker.

Romen 7:11

Annefe, pese in sezi sa lokazyon, in tronp mwan par servi komannman; i'n donn mwan lanmor.

Romen 7:13

Alor, eski sa ki bon, in vin en lakoz lanmor pour mwan? Pa ditou! Pese ki ti lakoz. Konmsa ki i'n fer aparet vre natir pese. Pese in servi sa ki bon pour koz mon lanmor. Konmsa ki gras a bann komannman, pese in montre son pwisans.

Efezyen 4:22

Zot devre alor debaras zot avek zot vye natir, ki ti zot fason viv otrefwa, ki ti anmenn larin par son bann dezir tronper.

Ebre 3:13

Okontrer, ankouraz kanmarad tou le zour, osi lontan ki i apel “ozordi” pour ki personn parmi zot, pa les li ganny tronpe par pese e andirsi son leker.

Let Zak 1:13

Personn pa devre dir kan i ganny tante: Bondye ki'n tant mwan. Annefe, Bondye pa kapab ganny tante pour fer sa ki mal, e li menm i pa tant personn.

Let Zak 1:15

Alor, en fwa ki move dezir in ganny formen, i donn nesans pese, e kan pese in devlope, i anmenn lanmor.