Let Zak 1:11 - Labib An Kreol Seselwa

¹¹ Soley i leve, son gro lasaler i bril sa plant; sa fler i tonbe e son labote i disparet. Demenm, en ris pou disparet dan milye son bann zafer.

Let Zak 1:11 ပူးပေါင်းရင်းမြစ်များ

2 Samyel 22:46

Bann etranze i perdi kouraz. Zot sorti an tranblan dan zot landrwa kasyet.

Psonm 102:11

Mon lavi pe fini parey lonbraz; mon pe fletri parey zerb.

Psonm 102:4

Mon leker in ganny atake e i fletri parey zerb; mon'n perdi lanvi manze.

Psonm 103:15

Zonm! Son lavi i parey zerb; i parey en fler ki'n fleri dan laplenn:

Psonm 37:2

Zot pa pou tarde pour sek parey zerb e fletri parey fey ver.

Psonm 39:6

I ale vini, parey en lonbraz; i fatig li en kantite; me sa i zis divan. I akimil larises san konnen lekel ki pou profite.

Psonm 90:6

Bomaten i fleri, i fini; aswar, i fannen e i sek.

Eklezyas 5:15

Parey i'n sorti dan vant son manman touni, i pou kit later touni; i pa pou anmenn nanryen avek li koman fri son travay.

Ezai 28:1

Maler lo bann soular dan pei Efraim, lavil dan laform en kouronn! I ganny byen dekore lo sa kolin ki domin son vale fertil. Me son labote i parey bann fler sek ki orn latet bann ki'n gonfle avek manze gra, ki'n soule avek diven.

Ezai 28:4

E sa fler sek ki ti ornman son labote ki lo latet sa enn ki gonfle avek manze gra, pou parey en fig mir avan sezon. Premye ki war li i sot lo li e manz li deswit.

Ezai 49:10

Zot pou nepli lafen, zot pou nepli swaf; ni divan so ni soley pa pou fer zot soufer, akoz zot gid pou sa enn ki annan konpasyon pour zot e ki pou kondwir zot kot i annan sours delo.

Matye 13:6

Me kan soley ti leve, i ti bril bann pti plant e zot ti sek, akoz zot ti napa ase rasin.

Matye 20:12

Zot ti dir li, “Sa bann travayer ki ti ganny anploye an dernyen in travay pour zis enn erdtan e zot in ganny peye parey nou ki'n travay lazournen antye dan sa gro ker soley?”

Matye 6:30

Ozordi, Bondye i abiy byen sa bann zerb dan laplenn. Demen, zot pou ganny zet dan dife. Alor, a pli fort rezon, pa i ava abiy zot? Zot napa bokou lafwa.

Mark 4:6

Me kan soley ti tape, zot ti fletri, zot ti ganny brile e zot ti sek akoz zot ti napa ase rasin.

1 Korentyen 7:31

e bann ki pe profite dan lemonn, fer konmsi zot pa ganny okenn profi, akoz lemonn tel ki i ete, pa pou dir lontan.

1 Pyer 1:4

an atandan bann byen ki i'n rezerve pour zot dan lesyel, ki pa kapab ni gate, ni sali, ni fletri.

1 Pyer 5:4

Kan Sef bann berze pou aparet, zot pou resevwar kouronn laglwar ki pa zanmen terni.