Let Zak 1:10 - Labib An Kreol Seselwa

¹⁰ Okontrer en frer ki ris, i devre santi li fyer si Bondye i abes li, akoz bann ris pou disparet parey plant sovaz:

Let Zak 1:10 ပူးပေါင်းရင်းမြစ်များ

Liv Zob 14:2

I pouse parey en fler, apre i fletri. I disparet parey en lonbraz e i pa dire.

Psonm 102:11

Mon lavi pe fini parey lonbraz; mon pe fletri parey zerb.

Psonm 103:15

Zonm! Son lavi i parey zerb; i parey en fler ki'n fleri dan laplenn:

Psonm 37:2

Zot pa pou tarde pour sek parey zerb e fletri parey fey ver.

Psonm 39:6

I ale vini, parey en lonbraz; i fatig li en kantite; me sa i zis divan. I akimil larises san konnen lekel ki pou profite.

Ezai 40:6

En lavwa i dir: Kriye! Alor mon ti reponn: Ki mon pou kriye? Tou imen i parey zerb, zot fidelite pa dire parey bann fler dan laplenn.

Ezai 40:7

Zerb i sek e fler i fletri ler SENYER i soufle lo zot. Vreman, lepep i parey zerb.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

Matye 5:3

Byennere bann ki konnen zot pov, akoz Rwayonm lesyel i pour zot!

Matye 6:30

Ozordi, Bondye i abiy byen sa bann zerb dan laplenn. Demen, zot pou ganny zet dan dife. Alor, a pli fort rezon, pa i ava abiy zot? Zot napa bokou lafwa.

1 Korentyen 7:31

e bann ki pe profite dan lemonn, fer konmsi zot pa ganny okenn profi, akoz lemonn tel ki i ete, pa pou dir lontan.

Filipyen 3:8

Wi! Mon menm konsider tou keksoz koman en pert, konpare avek sa byen ki bokou pli siperyer: konnesans Zezi-Kri mon Senyer. Pour li, mon pa'n rod okenn avantaz personnel. Mon konsider tousala koman salte, pour mwan ganny Kris,

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

Let Zak 4:14

Pourtan, zot pa ni menm konnen ki mannyer zot lavi pou ete demen. Kisisa zot lavi? Zot parey brouyar ki paret pour en pti moman e ki apre i disparet.

1 Pyer 1:24

Annefe, parey Lekritir i deklare: Tou dimoun i koman zerb. Tou zot laglwar i koman fler zerb. Zerb i sek e fler i fletri.

1 Zan 2:17

Lemonn ek tou son bann dezir pou disparet. Me sa enn ki fer lavolonte Bondye i viv pour touzour.