Lamantasyon 5:6 - Labib An Kreol Seselwa

⁶ Nou bezwen al mandyan nou dipen avek Lezip e Lasiri

Lamantasyon 5:6 ပူးပေါင်းရင်းမြစ်များ

Zenez 24:2

I ti dir avek son serviter pli ansyen dan son lakaz, ki ti ansarz tou son byen, “Met ou lanmen anba mon kwis.

2 Rwa 10:15

Ler i ti kit Kan Berze, i ti rankontre Yonadab, garson Rekab ki ti vin zwenn li. I ti salye li e dir li, “Eski ou leker i senser parey mon leker anver ou leker?” Yonadab ti reponn, “Wi i senser.” Zehou ti reponn, “Si ou senser, donn mwan ou lanmen.” Yonadab ti donn li lanmen. Alor, Zehou ti fer li monte e fer li asiz dan bor li, dan son kales.

Ezai 57:9

Zot in prezant zot devan bondye Molek avek delwil e en kantite parfen. Zot in anvoy zot bann mesaze tre lwen e menm anvoy zot ziska dan lemonn lanmor.

Zeremi 2:18

Aprezan, ki ou krwar ou pou gannyen ler ou al Lezip kot ou pou bwar delo larivyer Nil? Ki ou krwar ou pou gannyen ler ou al Asiri kot ou pou bwar delo larivyer Efrat?

Zeremi 2:36

Ou'n fasilman sanz ou semen, pour ou al kot bann bondye lezot nasyon. Bann Asiriyen in fer ou onte; bann Ezipsyen pou fer parey.

Zeremi 50:15

Kriye, fer tapaz dan tou kote lavil kont li. Fer tapaz avek aklamasyon lager. Babilonn in rann zarm. Son bann lavil fortifye in tonbe, son bann miray in ganny kraze.

Lamantasyon 4:17

Nou lizye in fatige esper led ki pa'n zanmen arive; nou'n veye san pozman, pour ki en nasyon vin sov nou.

Ezekyel 17:18

I pa'n respekte son promes, akoz in kas lalyans apre ki i ti'n fer en serman; i pa pou kapab sove.

Oze 12:1

Efraim i nouri lo divan, i tay deryer divan Les tou lazournen; i miltipliy mansonz ek vyolans. In fer en lalyans avek Asiri, e i fourni delwil doliv Lezip.

Oze 5:13

Efraim i rekonnet son maladi, e Zida son bann blesir. Alor, Efraim in al ver Asiri e anvoy mesaze kot lerwa Yareb. Me sa lerwa pa pou kapab geri li, ni pran ka son bann boubou.

Oze 7:11

Efraim in vin parey en pizon timid san disernman. Zot demann led Lezip e zot al Asiri.

Oze 9:3

Zot pa pou reste dan pei SENYER; Efraim pou retourn Lezip, e i pou manz manze enpir Asiri.