Lamantasyon 5:5 - Labib An Kreol Seselwa

⁵ Nou lennmi i lo nou ledo; nou'n randi, zot pa les nou repoze.

Lamantasyon 5:5 ပူးပေါင်းရင်းမြစ်များ

Zeremi 27:2

La sa ki SENYER i deklare: Prepar bann sang an kwir ek bann bar dibwa ki ou ava met lo ou likou.

Zeremi 27:8

Si en nasyon oubyen en rwayonm i refize soumet li anba lerwa Naboukodonozor, lerwa Babilonn; si i refize met son likou anba fardo lerwa Babilonn, alor mon pou pini sa nasyon par lager, lafanmin, lepidemi, ziska ki i ava'n detri li konpletman, SENYER i deklare.

Zeremi 28:14

Annefe, la sa ki SENYER liniver, Bondye Izrael i deklare: Mon met lo likou tou sa bann nasyon, en bar an fer e zot ava servi Naboukodonozor, lerwa Babilonn. Menm bann zannimo sovaz pou anba son pouvwar.

Zeremi 51:58

Lennmi pou kraz miray epe ki protez Babilonn. Son bann gran laport pou ganny detri par dife. Zefor bann nasyon pa servi dan nanryen. Tou zot travay i fini dan dife, SENYER liniver i deklare.

Lamantasyon 1:14

I'n fer en pake avek mon bann pese ki i'n met lo mon zepol. I'n diminyen mon lafors. SENYER in livre mwan dan lanmen lennmi. Mon pa kapab defann mon lekor.

Lamantasyon 1:3

Popilasyon Zida i annegzil; i'n ganny kraze avek lanmizer. I pe asiz parmi bann nasyon san trouv okenn repo. Son bann lennmi in anserkle li, napa semen pour zot sove.

Lamantasyon 4:19

Bann ki ti pe pourswiv nou ti pli vit ki bann votour dan lesyel; zot ti sas nou lo bann montanny, zot ti met bann latrap dan dezer pour nou.

Mise 2:3

Pour sa rezon, SENYER i deklare: Mon pe prepar en maler kont sa bann zans. Zot pa pou kapab sape, ni kapab mars latet anler, akoz en letan maler pe vini.

Matye 11:29

Pran mon fardo e aksepte mon lansennyman, akoz mon dou e dan mon leker i annan limilite e zot ava kapab repoze.

Akt de Zapot 15:10

Aprezan, pour ki rezon fodre ki nou provok Bondye par enpoz lo bann krwayan, en fardo ki ni nou bann zanset, ni nou menm, nou pa'n kapab anmennen?

Deterononm 28:48

ou pou servi bann lennmi ki SENYER pou anvoy kont ou dan lafen, laswaf; ou pou touni e mank tou keksoz. I pou met en bar feray lo ou likou ziska ki i fini detri ou.