Lamantasyon 5:16 - Labib An Kreol Seselwa

¹⁶ Nou kouronn in tonbe lo nou latet. Maler i lo nou akoz nou'n fer pese.

Lamantasyon 5:16 ပူးပေါင်းရင်းမြစ်များ

Liv Zob 19:9

I'n detri tou mon loner, i'n aras mwan mon kouronn.

Psonm 89:39

Ou'n kas lalyans ki ou ti'n fer avek ou serviter; ou'n zet ater son kouronn e ou'n profann li.

Proverb 14:34

En nasyon ki pratik lazistis i grandi; me lenzistis i fer laont en pep.

Proverb 27:24

Annefe, larises pa reste touzour, en kouronn pa ganny transmet atraver bann zenerasyon.

Ezai 3:8

Zerizalenm in degrengole; rwayonm Zida in tonbe, akoz zot parol ek zot aksyon in kont SENYER. Zot in revolte devan son laglwar.

Zeremi 13:18

Al dir lerwa ek son manman: Sorti lo tronn, akoz ou zoli kouronn in tonbe.

Zeremi 2:17

Izrael! Tousala in ariv ou akoz ou'n abandonn SENYER, ou Bondye ler i ti pe gid ou lo ou semen.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 32:23

Zot ti vin dan sa pei ki zot ti pran posesyon. Me zot pa ti ekout ou lavwa, ni obei ou komannman; zot pa ti viv dapre ou lalwa; zot pa ti fer nanryen sa ki ou ti'n ordonn zot fer. Pour sa rezon ki ou ti fer tou sa bann maler tonm lo zot.

Zeremi 4:18

Tousala i ariv lo ou akoz mannyer ou'n viv e akoz tou sa ki ou'n fer. Ou pese i lakoz ou soufrans, ziska in pers ou leker.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Lamantasyon 1:18

SENYER ti annan rezon azir konmsa anver mwan, akoz mon'n revolte kont son komannman. Tou bann pep! Ekout mwan: Get mon soufrans. Mon bann zenn fiy ek mon bann zennzan in ganny anvoye annegzil.

Lamantasyon 1:20

SENYER! Gete dan ki maler mon ete; gete koman mon boulverse; mon leker i fer mal akoz mon'n revolte kont ou. Deor, dimoun pe ganny masakre. Dan lakaz, ou war zis lanmor.

Lamantasyon 1:8

Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Lamantasyon 2:1

Dan son lakoler, SENYER in met Zerizalenm anba en nyaz. Depi lesyel, in zet ater, sa ki ti fer splander Izrael. Zour son lakoler, SENYER pa ti ni menm mazin landrwa kot i poz son lipye.

Lamantasyon 4:13

Sa in arive akoz pese son bann profet e fot son bann pret ki ti fer koule parmi zot disan dimoun inosan.

Ezekyel 21:26

La sa ki Senyer BONDYE i deklare: Tir ou kouronn, anlev ou tirban. Tou pou sanze: Sa enn ki ganny imilye pou ganny eleve, Sa ki ganny eleve pou ganny imilye.

Mise 6:13

Pour sa rezon, mon'n konmans tap ou. Mon pe detri ou akoz ou bann pese.

Revelasyon 2:10

Pa per pour sa ki ou pou soufer. Dyab pou byento zet serten parmi zot dan prizon, pour teste zot. Zot pou bezwen soufer pandan dis zour. Me reste fidel ziska lanmor, e mon ava donn ou kouronn lavi.

Revelasyon 3:11

Mon pe vini byento. Gard byen for sa ki ou posede pour ki personn pa aras ou, ou kouronn.

1 Samyel 7:6

Zot ti rasanble zot tou Mispa. Zot ti pran delo e vers ater devan SENYER. Zot ti fer en zenn sa zour e zot ti dir, “Nou'n komet pese kont SENYER.” Se la Mispa, kot Samyel ti ziz pep Izrael.