Lamantasyon 4:7 - Labib An Kreol Seselwa

⁷ Son bann sef ti pli pir ki lannez; pli blan ki dile. Zot lekor ti pli roz ki koray, e labote zot figir ti parey safir.

Lamantasyon 4:7 ပူးပေါင်းရင်းမြစ်များ

Liv Zob 28:16

Ou pa kapab konpar son valer avek lor sorti Ofir, ni avek oniks, ni avek safir.

Liv Zob 28:18

Pa vo lapenn konpar lasazes avek koray rouz oubyen avek kristal; lasazes i annan plis valer ki perl.

Psonm 144:12

Konmsa, nou bann garson ava parey bann pye dibwa ki'n pouse depi zot ti pti. Nou bann fiy ava parey kolonn skilpte ki soutenir en pale.

Psonm 51:7

Pirifye mwan avek brans izop e mon ava prop. Lav mwan e mon ava vin pli blan ki lannez.

Egzod 24:10

Zot ti war Bondye Izrael. Anba son lipye ti annan keksoz ki ti resanble en pave an safir, kouler ble e kler parey lesyel.

Kantik Salomon 5:10

Mon byenneme i annan en ten kler e briyan; ou kapab rekonnet li parmi dis mil zonm.

Kantik Salomon 5:15

Son lazanm i parey bann kolonn an marb blan, poze lo bann baz annor pir. Son figir i parey bann montanny Liban, i elegan parey pye sed.

Danyel 1:15

Apre sa dis zour, zot ti paret pli an form e an meyer sante ki sa bann ki ti'n manz manze rwayal.

Levanzil dapre Lik 1:15

I pou vin enportan devan Senyer. I pa pou bwar ni diven, ni okenn labwason fermante, e i pou ranpli avek Lespri Sen, deza avan son nesans.

Ziz 13:5

Annefe, ou pou tonm ansent e ganny en garson. Razwar pa pou pas lo son latet, akoz sa garson pou ganny konsakre pour Bondye depi dan vant son manman. I pou delivre Izrael dan lanmen bann Filisten.”

Ziz 13:7

Me i ti dir mwan: Ou pou tonm ansent e ou pou ganny en garson. Dezormen, pa bwar ni diven ni okenn labwason for; pa manz nanryen ki enpir, akoz sa zanfan pou ganny konsakre pour Bondye depi dan vant son manman, ziska son lanmor.”

Ziz 16:17

I ti ouver son leker avek li, “Razwar pa'n zanmen pas lo mon latet, akoz mon'n ganny konsakre pour Bondye depi dan vant mon manman. Si mon ti raz mon latet, mon ti pou perdi mon lafors e vin feb parey tou dimoun.”

1 Samyel 16:12

Alor, Zese ti anvoy sers li. I ti en zennonm avek en ten kler, zoli lizye e en zoli regar. SENYER ti dir Samyel, “Leve! Vers delwil lo son latet. Li menm ki mon'n swazir.”