Lamantasyon 4:3 - Labib An Kreol Seselwa

³ Menm bann sakal i donn tete e nouri zot piti. Me bann manman dan Zerizalenm in vin kriyel parey lotris dan dezer.

Lamantasyon 4:3 ပူးပေါင်းရင်းမြစ်များ

1 Rwa 3:21

Bomaten, kan mon ti leve pour okip mon piti, mon ti war ki i'n mor. Letan mon ti get li byen dan lalimyer, mon ti war ki i pa ti mon piti ki mon ti'n met omonn.”

Ezai 13:22

Ou pou antann irlman bann yenn dan bann tour, bann sakal dan bann pale. Sa letan i pros, i pe vini, son bann zour in fini, son lafen pa lwen.

Ezai 34:13

Brousay pikan pou pous dan son bann pale; move zerb ek lalyann lo son bann miray. Lisyen maron pou vin reste la. Bann lotris ava ganny en labri.

Ezai 49:15

Eski en fanm i kapab oubliy son pti baba ki i pe donn tete? Pa i annan konpasyon pour sa zanfan ki i'n donn nesans? Menm si i oubliy li, mwan mon pa pou oubliy ou.

Zeremi 19:9

Lennmi pou kanp otour lavil e zot pou esey atak son bann zabitan. Mon pou fer zot manz laser zot zanfan e zot pou manz kanmarad.

Lamantasyon 2:20

SENYER! Lev ou lizye. Gete! Lekel ki ou'n tret konmsa? Eski bann manman i kapab manz zot prop zanfan, zanfan ki zot in kontan? Eski fodre ki bann pret ek bann profet zot ganny touye dan sanktyer SENYER?

Lamantasyon 4:10

Bann manman ki ti annan konpasyon ti kwi zot prop zanfan pour zot manze, akoz dezas ki ti'n vin lo mon pep.

Ezekyel 5:10

Akoz sa, dan sa lavil, bann paran pou manz zot zanfan e zanfan pou manz zot paran. Mon pou egzekit mon zizman kont ou e dispers tou bann sirvivan, dan tou kote.

Levitik 26:29

Zot ava manz laser zot bann garson e zot ava manz laser zot bann fiy.

Romen 1:31

Zot napa disernman, zot pa tenir zot promes. Zot leker i dir e san pitye anver kanmarad.