Lamantasyon 4:22 - Labib An Kreol Seselwa

²² Zerizalenm in pey pour son pese; SENYER pa pou gard zot annegzil. Me SENYER pou pini bann zabitan Edonm; i ava ekspoz zot pese.

Lamantasyon 4:22 ပူးပေါင်းရင်းမြစ်များ

Psonm 137:7

SENYER! Pa oubliy sa ki bann Edomit ti dir zour Zerizalenm ti tonbe. Zot ti dir: Kraz sa lavil! Kraz sa lavil! Kraz li ziska son fondasyon!

Ezai 40:2

Avek tandres, koz avek Zerizalenm! Fer li konnen ki son letan lesklavaz in fini; ki son pese in ganny pardonnen; ki SENYER li menm in fer li pey doub pour tou son bann fot.

Ezai 52:1

Siyon leve! Leve! Repran kouraz. Zerizalenm! Lavil sen! Met ou bann zoli lenz. Personn ki pa'n ganny sirkonsi oubyen enpir, pa pou antre kot ou ankor.

Ezai 60:18

Pou nepli antann koz lo vyolans dan ou pei, ni devastasyon ni destriksyon dan ou teritwar; ou pou apel ou bann miray delivrans e ou bann laport louanz.

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Zeremi 33:7

Mon pou fer Zida ek Izrael prospere, e mon pou rekonstri zot parey zot ti ete avan.

Zeremi 33:8

Mon pou pirifye zot kont tou zot fot ki zot in komet kont mwan. Mon pou pardonn zot, zot bann fot ek rebelyon kont mwan.

Zeremi 49:10

Me mwan, mon'n met Ezai touni. Mon'n dekouver son bann landrwa e i pa kapab al kasyet. Son bann frer ek son bann vwazen in ganny detri; napa personn ki reste.

Zeremi 50:20

Kan sa zour i arive e dan sa letan, SENYER i deklare, ou pou rod fot Izrael, me ou pa pou trouve. Ou pou rod pese Zida, me ou pa pou war, akoz mon pou pardonn sa restan Izrael ki mon'n eparnyen.

Lamantasyon 4:21

Nou swete ki bann zabitan Edonm ek Our ava zwaye; zot ava fer lafet. Me mon pou pas lakoup avek zot osi; zot pou sou e zot pou ekspoz zot touni.

Lamantasyon 4:6

Pese mon pep i pli grav ki pese Sodonm ki ti ganny kraze en sel kou; personn pa ti annan letan pour sov li.

Ezekyel 37:28

Kan mon ava'n plas mon sanktyer parmi zot pour touzour, bann nasyon ava konnen ki mwan menm SENYER; mon'n konsakre Izrael pour mon servis.

Ezekyel 6:12

Sa enn ki lwen pou mor avek lepidemi e sa enn ki pre pou ganny masakre. Sa enn ki reste e ki'n sirviv, pou mor par lafanmin. Konmsa, mon ava egzekit mon lakoler ziska dan bout.

Abdyas 1:10

Akoz ou depouy e touy ou frer Zakob, ou pou ganny kouver avek laont e ou pou ganny detri pour touzour.

Malasi 1:3

e mon'n ay Ezai. Mon'n devaste son rezyon montanny e fer landrwa kot son desandan ti reste, vin en landrwa devaste pour sakal, sa zannimo ki viv dan dezer.”

Malasi 1:4

Si Edonm i dir: Nou landrwa in ganny detri, me nou pou rekonstri li, la sa ki SENYER liniver i deklare: Zot kapab rekonstri li, me mon pou kraz li ankor. Dimoun pou apel li pei modi e en pep ki toultan fer SENYER ankoler.