Lamantasyon 4:2 - Labib An Kreol Seselwa

² Zabitan Zerizalenm ki ti vo zot pwa annor, pe ganny estimen avek en potis anter ki'n ganny fer par en potye?

Lamantasyon 4:2 ပူးပေါင်းရင်းမြစ်များ

Ezai 30:14

Sa miray in ganny kraze san pitye parey potis later en potye; in ganny kase an pti morso; i pa bon pour pran labrez dan reso, ni pour al pran delo dan sitern.

Ezai 51:18

Parmi tou bann zanfan ki i'n fer, napa personn pour gid li. Parmi tou bann zanfan ki i'n elve, napa enn ki pou atrap son lanmen.

Zeremi 19:1

La sa ki SENYER ti dir: Al aste en gargoulet kot en potye. Pran avek ou detrwa zonm parmi bann ansyen e detrwa pret pli aze.

Zeremi 19:11

Ou ava dir zot: La sa ki SENYER liniver i deklare: Mon pou kas sa pep ek sa lavil parey ou kas en gargoulet ki pa pou zanmen kapab ganny repare. Dimoun pou anter zot kadav menm dan Tofet, akoz pa pou annan okenn landrwa pour anter zot.

Zeremi 22:28

Dimoun i demande: Eski Yoyakim in vin parey en gargoulet kase, ki'n ganny zete akoz i initil? Akoz li ek son bann zanfan, zot in ganny deporte dan en pei ki zot pa konnen?

Lamantasyon 2:21

Zenn koman vye in tale dan lapousyer lo semen. Zenn fiy ek zenn garson in ganny masakre. Zour ou lakoler ti leve, ou'n touy zot, ou'n masakre zot san pitye.

Lamantasyon 5:12

Bann sef in ganny pann par zot lanmen; personn pa respekte bann vyeyar.

Oze 8:8

Izrael in ganny anvale. Aprezan, parmi bann nasyon, i parey en lobze san valer.

Zakari 9:13

Zida ki pou redi mon lark; Efraim ki pou tir mon fles. Mon pou eksit bann zanfan Siyon kont bann zanfan ki reste Lagres. Mon pou fer ou vin parey lepe en vayan gerye.

2 Korentyen 4:7

Me sa trezor, nou pe anmenn li dan bann po fer avek later, pour montre ki sa pwisans siperyer, i sorti kot Bondye, pa kot nou.

2 Timote 2:20

Dan en gran lakaz napa zis vesel annor e annarzan, me i osi annan sa ki an bwa e an larzil. Serten i servi pour bann lokazyon spesyal e lezot pour servis pli ordiner.