Lamantasyon 4:19 - Labib An Kreol Seselwa

¹⁹ Bann ki ti pe pourswiv nou ti pli vit ki bann votour dan lesyel; zot ti sas nou lo bann montanny, zot ti met bann latrap dan dezer pour nou.

Lamantasyon 4:19 ပူးပေါင်းရင်းမြစ်များ

Zeremi 16:16

La sa ki SENYER i deklare: Mon pe anvoy en kantite peser ki pou lepidemi zot. Apre sa, mon pou anvoy en kantite saser ki pou debiste zot dan montanny, dan kolin e dan bann kap ros.

Zeremi 4:13

Gete! Lennmi pe vini parey en nyaz. Son bann kales lager i roul parey en tourbiyon. Son bann seval i pli vit ki bann leg. Maler i lo nou! I'n fini pour nou!

Lamantasyon 1:13

Depi lao dan lesyel, in anvoy dife ki'n penetre mon lezo. I'n met en latrap anba mon lipye e i'n fer mwan savire. I'n abandonn mwan; mon douler pa zanmen fini.

Oze 8:1

Met ou tronpet avek ou labous! Maler, parey en leg, in tonm lo lakaz SENYER, akoz zot in kas mon lalyans e zot in revolte kont mon lalwa.

Oze 8:3

Izrael in rezet sa ki byen; Zot lennmi pou pourswiv zot.

Levitik 26:36

Pour sa bann ki ava'n reste dan pei, mon pou anvoy dekourazman lo zot dan pei zot bann lennmi. Tapaz en fey ki tonbe pou fer zot per. Zot pou sove konmsi zot ti pe sov lennmi. Zot pou tonbe menm si personn pa ti pe pourswiv zot.

Amos 2:14

Menm sa enn ki tay vit pa pou kapab sove; menm bann ki pli for pa pou kapab servi zot lafors; Bann pli bon gerye pa pou kapab sov zot lavi.

Habakouk 1:8

Zot bann seval i pli rapid ki bann leopar, pli feros ki bann loulou aswar. Zot bann kavalye i atake. Zot bann kales lager i sorti lwen. Zot anvole koman leg kan i atake pour li devore.

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.