Lamantasyon 4:17 - Labib An Kreol Seselwa

¹⁷ Nou lizye in fatige esper led ki pa'n zanmen arive; nou'n veye san pozman, pour ki en nasyon vin sov nou.

Lamantasyon 4:17 ပူးပေါင်းရင်းမြစ်များ

2 Rwa 24:7

Lerwa Lezip ti nepli kit son pei, akoz lerwa Babilonn ti'n pran tou sa ki ti pour lerwa Lezip, depi larivyer Lezip, ziska larivyer Efrat.

Ezai 20:5

Zot pou efare e dan laont, akoz zot ti'n met zot konfyans dan Letyopi, e vant zot lekor akoz Lezip.

Ezai 28:18

Alor ou lalyans avek lanmor pou ganny annile e ou lakor avek bann ki dan lemonn lanmor pa pou tenir debout. Ler gran katastrof ava pase, i pou kraz ou.

Zeremi 2:18

Aprezan, ki ou krwar ou pou gannyen ler ou al Lezip kot ou pou bwar delo larivyer Nil? Ki ou krwar ou pou gannyen ler ou al Asiri kot ou pou bwar delo larivyer Efrat?

Zeremi 2:36

Ou'n fasilman sanz ou semen, pour ou al kot bann bondye lezot nasyon. Bann Asiriyen in fer ou onte; bann Ezipsyen pou fer parey.

Zeremi 2:37

Lezip osi, ou pou kit li dan laont, avek ou de lanmen lo latet. Mwan, SENYER, mon'n rezet sa bann dan ki ou ti'n met ou konfyans. Ou pa pou ganny nanryen avek zot.

Zeremi 8:20

Larekolt in ganny fer; sezon lete pe fini. Me nou, nou la; nou pa'n ganny sove.

Lamantasyon 1:19

Mon ti apel mon bann zanmi, me zot in les mwan tonbe. Mon bann pret ek mon bann konseye in mor dan lavil, letan zot ti pe rod keksoz pour manze, pour zot kapab repran zot lafors.

Lamantasyon 1:7

Dan son bann zour maler, Zerizalenm i mazin tou sa bann trezor ki i ti annan dan letan pase. Kan son pep ti tonm dan lanmen lennmi, ti napa personn pour ed li. Lennmi ti get li tonbe e zot ti riy avek kontantman.

Lamantasyon 5:6

Nou bezwen al mandyan nou dipen avek Lezip e Lasiri

Ezekyel 29:16

Pep Izrael pa pou zanmen met son konfyans dan li ankor. Konmsa, Izrael pa pou rod led Lezip e les li tonm dan pese. Alor, zot ava konnen ki mwan menm Senyer BONDYE.