Lamantasyon 4:14 - Labib An Kreol Seselwa

¹⁴ Zot ti marsaye dan semen parey bann aveg. Zot lenz ti telman tase avek disan, ki personn pa ti kapab tous zot.

Lamantasyon 4:14 ပူးပေါင်းရင်းမြစ်များ

Ezai 1:15

Ler zot lev zot lanmen ver mwan, mon pou ferm mon lizye. Menm si zot fer bokou lapriyer, mon pa pou ekoute; zot lanmen i ranpli avek disan.

Ezai 56:10

Bann santinel dan Izrael pa war kler; zot pa konn nanryen; zot tou, zot parey bann lisyen trankil; zot pa ni kapab aboye; zot tal zot ater dan rev, zot kontan zis dormi.

Zeremi 2:34

Menm ou lenz in ganny tase avek disan bann pov inosan. Ou byen konnen ki sa pa disan dimoun ki ou'n atrape pe kas ou lakaz.

Zeremi 26:8

Kan Zeremi ti'n fini dir tou sa ki SENYER ti'n ordonn li dir avek lepep, bann pret, bann profet e lepep antye ti sezi li e zot ti kriye: Ou merit lanmor!

Ezekyel 23:45

Bann zonm zis pou pas zizman lo zot koman bann adilter, parey bann kriminel i ganny zize. Annefe, zot in komet adilter e zot ti annan disan lo zot lanmen.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

Sofoni 1:17

Mon pou anvoy maler lo bann imen. Zot pou mars parey bann aveg, akoz zot in fer pese kont SENYER. Disan pou fannen parey lapousyer e zot laser pou parey salte.

Nonm 19:16

Si en dimoun i dan laplenn e i tous lekor en zonm ki'n ganny touye oubyen ki'n mor en lanmor natirel, si i tous kadav en dimoun mor oubyen en latonm, i pou reste enpir pandan set zour.

Nonm 35:33

Ou pa pou profann pei kot ou pe reste. Annefe, disan i rann enpir pei. Zis disan sa dimoun ki'n touye ki kapab lav disan ki'n rann pei enpir.

Matye 15:14

Les zot! Zot en bann aveg ki pe kondwir bann aveg. Ler en dimoun aveg i kondwir en lot aveg, tou le de i tonm dan rigol.”

Efezyen 4:18

Zot lespri i dan fernwanr. Zot napa okenn par dan sa nouvo lavi ki Bondye i donnen, akoz zot konpletman inyoran e zot refize ekoute.