Lamantasyon 3:64 - Labib An Kreol Seselwa

⁶⁴ SENYER! Fer zot osi soufer pour sa ki zot in fer mwan.

Lamantasyon 3:64 ပူးပေါင်းရင်းမြစ်များ

Psonm 28:4

Fer zot peye pour sa ki zot in fer e dapre zot krim. Tret zot parey zot in tret lezot. Donn zot sa ki zot merite.

Zeremi 11:20

Alor mon ti priye: SENYER liniver! Ou ziz dimoun avek lazistis. Ou ki egzamin sekre konsyans ek leker tou dimoun. Mon'n met mon ka dan ou lanmen. Mon pou war ou fer revanz lo zot.

Zeremi 15:15

Zeremi ti dir SENYER: Ou konn tou! Pa oubliy mwan, vin sekour mwan SENYER. Vanz dan mon plas mon bann lennmi ki persekit mwan. Pa pran bokou pasyans avek zot, sankwa zot ava ganny letan touy mwan. Akoz ou ki mon siport sa bann lensilt.

Zeremi 50:29

Rasanble tou bann ki konn tir fles! Anvoy zot atak lavil Babilonn. Fer zot anserkle li. Pa les personn sove! Fer li pey tou sa bann dimal ki i'n fer. Tret li parey in tret lezot, akoz in azir avek lorgey kont mwan, SENYER, Bondye sen Izrael.

Zeremi 51:24

Aprezan, zot ava war koman mon fer Babilonn ek son bann zabitan pey pour tou sa bann ditor ki zot in fer dan Zerizalenm, SENYER i deklare.

Zeremi 51:56

Sa enn ki detri tou, in vin kont li, kont Babilonn; son bann gerye in ganny kaptire, zot lark in ganny kase. Annefe, SENYER i en Bondye ki fer rann kont, e ki fer peye. I pou tret bann Babilonyen parey zot merite.

Zeremi 51:6

Sove dan Babilonn! Sakenn sov son lavi! Pa les zot ganny touye par lafot Babilonn. Ler in arive pour SENYER pran son revanz e pini li parey i merite.

2 Timote 4:14

Aleksann, sa forzron, in fer mwan bokou ditor. Senyer ki pou rann li sa ki i merite.

Revelasyon 18:6

Tret li parey i'n tret ou, e pey li doub pour son bann aksyon. Dan lakoup kot in mel son bann diven, double sa ki i ti'n prepare.

Revelasyon 6:10

Zot ti kriye avek en lavwa for: Ziska kan, Senyer sen e vre, ki ou pou tarde ziz e vanz nou disan lo bann zabitan later?