Lamantasyon 3:39 - Labib An Kreol Seselwa

³⁹ Akoz en zonm i bezwen plennyen pour son bann pese ki i'n fer?

Lamantasyon 3:39 ပူးပေါင်းရင်းမြစ်များ

2 Rwa 3:13

Elize ti dir lerwa Izrael, “Mon napa nanryen pour fer avek ou. Al konsilte bann profet ou papa ek profet ou manman.” Me lerwa Izrael ti dir li, “Non! SENYER ki'n konvok sa trwa lerwa pour livre zot dan lanmen Moab.”

2 Rwa 6:32

Elize ti pe asiz dan son lakaz, e bann ansyen ti pe asiz avek li. Lerwa ti'n anvoy en zonm sorti dan son lantouraz. Me avan ki sa zonm ti arive, Elize ti'n dir bann ansyen, “La sa kriminel pe anvoy en dimoun pour vin koup mon likou. Ler sa mesaze ava arive, ferm laport e anpes li antre. Deza, nou antann lepa son met deryer li.”

2 Rwa 6:33

I ti ankor pe koz avek zot, ler sa mesaze ti ariv kot li. I ti dir li, “Sa maler i sorti kot SENYER! Ki mon kapab ankor espere sorti kot SENYER?”

Esdras 9:13

Tou sa maler ki'n ariv nou, i akoz nou bann move aksyon ek nou bann fot. Sepandan, ou pa'n pini nou parey nou merite, e aprezan ou'n permet nou ki la, reste ankor vivan.

Liv Zob 11:6

I ti ava fer ou konn sekre son lasazes ki depas nou rezonnman. Alor, ou ti ava konpran ki Bondye i oubliy en pe ou bann fot.

Liv Zob 15:13

Kont Bondye ki ou pe tir ou lakoler e les sa bann move parol sorti dan ou labous.

Psonm 107:17

En bann fou ti soufer akoz zot dezobeisans e par zot pese.

Proverb 19:3

Par son lafoli, zonm i perdi semen. Me apre, i met li ankoler kont SENYER.

Ezai 51:20

Ou bann zanfan in tonm feb; zot in tale dan tou kwen semen parey en antilop ki'n ganny pri dan en latrap; lakoler SENYER in menas zot. Bondye in rezet zot.

Zeremi 10:19

Lepep ki reste Zerizalenm i kriye: En gran katastrof in tonm lo nou. Blesir ki nou ti krwar nou ti ava kapab andire, pa pou geri.

Zeremi 30:15

Akoz ou plennyen lo ou bann blesir? Napa okenn remed pour ou. Mon'n pini ou konmsa akoz ou koupab en kantite e ou'n komet bokou pese.

Lamantasyon 3:22

SENYER ava reste touzour fidel e son konpasyon pa pou zanmen fini.

Levitik 26:41

zot ava konpran ki mwan osi, mon'n opoz zot e anmenn zot dan pei zot bann lennmi. Si zot imilye zot e aksepte pinisyon pour zot pese,

Levitik 26:43

Konmsa, bann lennmi ava abandonn pei. Pandan ki i dan dezolasyon, i ava akonpli son saba. Alor, zot ava aksepte mon pinisyon, akoz zot in oze rezet mon bann regleman e mepriz mon bann lalwa.

Mise 7:9

Mon bezwen siport lakoler SENYER, akoz mon'n fer pese kont li. Me i pou defann mon lakoz ek mon drwa. I pou anmenn mwan dan lalimyer e mon pou war son lazistis.

Nonm 11:11

Moiz ti sagren. I ti dir SENYER: Akoz ou fer ou serviter tris? Akoz ou ankoler avek mwan? Akoz ou les tou sa responsabilite lo mwan?

Nonm 16:41

Son lannmen, lepep ti vin konplent ankor kot Moiz ek Aaron. Zot ti dir: Zot in touy pep SENYER.

Nonm 17:12

Pep Izrael ti dir avek Moiz: In fini pour nou. Nou pe disparet. Nou tou, nou pe ganny detri!

Revelasyon 16:9

Dimoun ti ganny brile par en lasaler terib e zot ti ensilte Bondye ki annan pouvwar lo sa bann fleo. Zot ti refize repanti pour rann li glwar.