Lamantasyon 3:32 - Labib An Kreol Seselwa

³² Menm si i fer li soufer, i montre son konpasyon dan son gran fidelite.

Lamantasyon 3:32 ပူးပေါင်းရင်းမြစ်များ

2 Rwa 13:23

SENYER ti pran pitye pour zot e i ti pardonn zot, akoz son lalyans ki i ti'n fer avek Abrahanm, Izaak, ek Zakob. I pa ti oule detri zot; ziska aprezan, i pa'n rezet zot lwen avek li.

Psonm 103:11

Son fidelite pour sa bann ki obei li, i osi gran ki lesyel i lwen avek later.

Psonm 30:5

Son lakoler i dire zis pour en moman; me son labonte i pour touzour. Mon kapab plere tou lannwit; me ler lizour i fer, mon dan lazwa.

Psonm 78:38

Pourtan, dan son konpasyon i ti pardonn zot, zot pese e i pa ti detri zot. Souvan, i ti retenir son lakoler, e i pa ti les sape son firer.

Egzod 2:23

Lontan apre, lerwa Lezip ti mor. Bann Izraelit ti kontinyen plennyen anba lesklavaz. Zot bann plent dan zot leta lesklavaz ti mont ver Bondye.

Egzod 3:7

SENYER ti dir, “Mon'n byen war soufrans mon pep Lezip, e mon'n antann zot kriye anba kou bann sef latas. Mon konn zot soufrans.

Ezai 27:8

Ou'n egzekit ou zizman, ou'n anvoy zot annegzil. Par ou souf terib, ou'n balye zot parey en divan vyolan sorti dan Les.

Ezai 54:7

Mon'n abandonn ou pour en moman, me dan mon konpasyon, mon pou rasanble ou.

Zeremi 31:20

La sa ki SENYER i deklare: Efraim! Ou menm mon garson prefere. Ou menm ki mon pli kontan. Sak fwa ki mon menase pour pini ou, mon kontinyen mazin ou an byen. Akoz mon annan bokou lanmour pour ou, mon pou pran pitye pour ou SENYER i deklare.

Lamantasyon 3:22

SENYER ava reste touzour fidel e son konpasyon pa pou zanmen fini.

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Nahoum 1:12

La sa ki SENYER i deklare: Menm si zot for e nonbre, zot pou disparet. Si mon'n fer zot lapenn, mon pa pou fer li ankor.

Levanzil dapre Lik 15:20

Alor, i ti leve e retourn kot son papa. I ti ankor ase lwen avek lakour, kan son papa ti war li. Son leker ti touse avek konpasyon. I ti taye, ser son garson dan son lebra e anbras li.

Ziz 10:16

Bann Izraelit ti debaras zot avek bann bondye etranze parmi zot e konmans servi SENYER ki ti pran pitye pour soufrans pep Izrael.