Lamantasyon 3:31 - Labib An Kreol Seselwa

³¹ Annefe, SENYER pa pou rezet personn pour touzour.

Lamantasyon 3:31 ပူးပေါင်းရင်းမြစ်များ

2 Samyel 14:14

Nou tou nou pou mor; nou parey delo ki'n fannen ater e ki pa zanmen kapab rasanble ankor. Bondye pa pran lavi; i annan bann plan ki pa les sa enn ki'n ganny anvoye annegzil pa reste lwen avek li.

1 Rwa 11:39

Par kont, mon pou imilye desandans David, me sa pa pour touzour.

Psonm 77:7

Eski SENYER pou rezet nou pour touzour? Eski i pa pou montre nou son faver ankor?

Psonm 94:14

SENYER pa pou abandonn son pep; i pa pou abandonn son posesyon.

Ezai 27:8

Ou'n egzekit ou zizman, ou'n anvoy zot annegzil. Par ou souf terib, ou'n balye zot parey en divan vyolan sorti dan Les.

Ezai 57:16

Mon pa pou touzour akize, mon pa pou touzour ankoler, pour ki ni bann lespri ni souf bann kreatir ki mon'n kree ava afebli devan mwan.

Zeremi 31:37

Si lesyel ki anler, ti kapab ganny mezire; si bann fondasyon later ki anba, ti kapab ganny sonde; alor mon ti ava rezet tou bann desandan Izrael, pour tou lemal ki zot in fer, SENYER ki deklare.

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Zeremi 33:24

Eski ou pa'n antann sa pep dir ki mon'n rezet Izrael ek Zida, sa de fanmir ki mon ti'n swazir? Dimoun ki koz konmsa, zot mepriz mon pep, e zot nepli konsider li koman en nasyon.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Nahoum 1:12

La sa ki SENYER i deklare: Menm si zot for e nonbre, zot pou disparet. Si mon'n fer zot lapenn, mon pa pou fer li ankor.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.