Lamantasyon 3:3 - Labib An Kreol Seselwa

³ Kont zis mwan, tou le zour i tourn son lakoler, i kontinyen tourmant mwan san pitye.

Lamantasyon 3:3 ပူးပေါင်းရင်းမြစ်များ

Liv Zob 16:12

Mon ti anpe, me Bondye i'n bouskil mwan. I'n sezi mwan par likou e zet mwan ater; i'n tir fles lo mwan.

Liv Zob 19:21

Zot mon bann zanmi! Pran pitye pour mwan, pran pitye pour mwan! Lanmen Bondye ki'n tap mwan.

Liv Zob 31:21

si mon'n lev mon lanmen lo en orfelen akoz mon ti konnen ki ziz i lo mon kote,

Liv Zob 6:4

Bondye liniver in pers mwan avek son bann dart; mon lespri in bwar zot pwazon. Lafreyer Bondye in pran pozisyon kont mwan.

Psonm 38:2

Ou'n transpers mwan avek ou bann dart, ou lanmen in kraz mwan.

Ezai 1:25

Mon pou vir kont ou. Mon pou pirifye ou dan dife, mon pou tir tou ou bann lenpirte.

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Deterononm 29:20

SENYER pa pou pardonn zot, akoz lakoler ek zalouzi SENYER pou monte kont zot. Tou bann malediksyon ki'n ganny ekri dan sa liv ava tonm lo zot e SENYER ava efas zot non anba lesyel.