Lamantasyon 3:25 - Labib An Kreol Seselwa

²⁵ SENYER i bon anver tou sa ki met son konfyans dan li; anver sa enn ki met son lespwar dan li.

Lamantasyon 3:25 ပူးပေါင်းရင်းမြစ်များ

Zenez 49:18

SENYER! Mon esper ou, e ou ava sov mwan.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

2 Kronik 19:3

Pourtan i annan bon keksoz ki ou'n fer: Ou'n fer disparet dan pei bann poto sakre Asera e ou'n deside servi Bondye avek tou ou leker.”

2 Kronik 30:19

ki pe vin avek tou zot leker ver ou, SENYER, Bondye zot zanset, menm si zot pa pir parey lalwa sanktyer i egzize.

2 Kronik 31:21

Tou sa ki i ti fer pour servis tanp Bondye, dapre lalwa ek komannman, i ti fer avek tou son leker pour Bondye e i ti prospere.

Esdras 8:22

Mon ti pou kanmi pour demann lerwa en troup solda pour eskort nou, avek bann kavalye pour protez nou kont lennmi dan nou semen, akoz nou ti'n dir lerwa: Lanmen nou Bondye i avek tou sa ki rod li. Me lafors son lakoler i kont tou bann ki abandonn li.

Psonm 105:3

Rann glwar son non sen! Zot tou ki rod SENYER! Rezoui.

Psonm 119:2

Byennere sa bann ki gard son bann lord, ki rod li avek tou zot leker.

Psonm 22:26

Bann pov ava kapab manze ziska zot rasazye. Dimoun ki rod SENYER pou loue li. Zot ava viv pour touzour!

Psonm 25:8

SENYER i bon e zis, i remet bann peser lo bon semen.

Psonm 27:14

Met ou lespwar dan SENYER; reste for, repran kouraz. Met ou lespwar dan SENYER.

Psonm 27:8

Mon mazin sa ki ou'n dir: Rod SENYER. Alor SENYER! Mon pe tourn ver ou.

Psonm 37:34

Met ou konfyans dan SENYER e swiv son semen. I ava fer ou loner posed sa pei e ou ava war malfeter ganny detri.

Psonm 37:7

Gard silans devan SENYER, esper li avek pasyans. Pa pran lakoler kont sa bann ki reisi dan lavi, kont sa ki fer bann move kou.

Psonm 39:7

Aprezan SENYER! Ki i annan ankor pour espere? Tou mon lespwar i dan ou.

Psonm 61:1

Mon Bondye! Mon kriy ou. Ekout mwan. Ekout mon lapriyer.

Psonm 61:5

Mon Bondye! Ou'n egzos mon bann swe e donn bann ki ador ou, zot leritaz.

Psonm 69:32

Ler zot ava war sa, bann ki'n ganny imilye ava dan lazwa. Sa bann ki rod Bondye ava repran kouraz.

Psonm 71:14

Mwan, mon pou kontinyen espere e mon pou touzour sant ou louanz.

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Ezai 26:9

Pandan lannwit, mon rod ou avek tou mon leker. Mon lespri i rod ou avek en dezir profon. Akoz ler ou aplik zizman lo later, bann zabitan lemonn i aprann pratik lazistis.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.

Ezai 55:6

Rod SENYER letan zot ankor kapab trouv li, apel li letan i lanmenm pros.

Ezai 64:4

Personn pa'n zanmen konnen; zorey pa'n zanmen tande; lizye pa'n zanmen war okenn Bondye parey ou, ki azir konmsa, anver dimoun ki met son lespwar dan ou.

Lamantasyon 3:26

I bon ki nou esper an silans, delivrans ki sorti kot SENYER.

Oze 10:12

Senm lazistis e ou ava rekolte fidelite. Defris en nouvo plantasyon: Letan in arive pour ou tourn ver SENYER, pour mwan vin devers lazistis lo ou.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

1 Tesalonisyen 1:10

Zot pe espere ki son garson i retournen sorti dan lesyel. Li menm ki Bondye i'n resisite. In delivre nou kont lakoler Bondye ki pe vini.

Let Zak 5:7

Mon bann frer! Pran pasyans ziska retour Senyer. Gete koman en fermye i espere avek pasyans, ki later i prodwir son rekolt presye: I esper avek pasyans, premye sezon lapli ek dernyen sezon lapli.