Lamantasyon 3:17 - Labib An Kreol Seselwa

¹⁷ Mon nepli konnen kisisa lape. Mon nepli konnen ki savedir boner.

Lamantasyon 3:17 ပူးပေါင်းရင်းမြစ်များ

Zenez 41:30

Me apre, pou annan set lannen lafanmin. Tou sa labondans pou ganny oubliye. Sa lafanmin pou detri pei.

Liv Zob 7:7

Rapel byen ki mon lavi i zis en souf. Mon lizye pa pou zanmen war boner ankor.

Psonm 119:155

Bann malfeter pa pou ganny delivrans, akoz zot pa obei ou bann regleman.

Ezai 38:17

Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.

Ezai 54:10

SENYER ki annan konpasyon pour ou, i deklare: Menm si bann montanny i kapab tonbe; bann kolin i kapab sanz plas, mon lanmour anver ou pa pou zanmen bouze, e lalyans lape ki mon'n fer avek ou pou reste ferm.

Ezai 59:11

Nou tou, nou gronnyen parey lours; nou pa arete roukoule parey pizon. Nou esper lazistis, me i pa vini; nou esper nou delivrans, me i reste lwen avek nou.

Zeremi 12:12

Partou dan rezyon montanny kot personn pa reste, bann devastater pe vini. Mon'n anvoy lager pour detri pei antye. Pou napa lape.

Zeremi 14:19

Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Zeremi 16:5

Annefe, la sa ki SENYER i deklare: Pa antre dan okenn lakaz kot i annan en lanmor; pa asiste okenn lanterman, akoz mon'n aret beni mon pep, e mon nepli montre mon labonte ek mon lafeksyon anver li, SENYER i deklare.

Zeremi 8:15

Nou ti pe espere ki lape ava aranz tou e ki nou ti ava ganny en letan pour nou swanny nou bann blesir. Me nanryen pa'n arive. Olye sa, lafreyer ki'n tap nou.

Lamantasyon 1:16

Se pour sa bann rezon ki mon pe plere. Mon lizye pe noye dan larm, akoz mon konsolater, sa enn ki kapab redonn mwan lavi, in abandonn mwan. Napa okenn lavenir pour mon bann zanfan, akoz lennmi in ranport laviktwar.

Zakari 8:10

Akoz avan sa letan, travay zonm pa ti ganny peye, ni travay zannimo akoz lennmi, personn pa ti kapab deplase an sekirite. Annefe, mon ti'n mont tou bann et imen, enn kont lot.