Lamantasyon 3:15 - Labib An Kreol Seselwa

¹⁵ I'n ranpli mwan avek zerb anmer; i'n donn mwan labsent pour bwar.

Lamantasyon 3:15 ပူးပေါင်းရင်းမြစ်များ

Liv Zob 9:18

I pa donn mwan letan respire, me i ranpli mwan avek lanmertim.

Psonm 60:3

Ou'n fer ou pep soufer dan letan dir. Ou'n fer nou bwar diven ki'n soul nou.

Psonm 88:4

Mon ganny konte parmi sa bann ki annan en lipye dan latonm, parey sa bann ki nepli annan okenn lafors;

Zeremi 23:15

Alor, la sa ki SENYER liniver i deklare konsernan sa bann profet: Mon pou fer zot manz margoz anmer e bwar delo anpwazonnen. Akoz sa bann profet Zerizalenm, ki pei antye in ganny profannen.

Zeremi 25:27

Apre sa, SENYER ti dir mwan dir lepep: La sa ki SENYER liniver, Bondye Izrael i deklare: Fodre zot bwar ziska ler zot ava sou e rann tou; ziska ler zot ava nepli kapab leve, akoz zot pou ganny masakre.

Zeremi 4:18

Tousala i ariv lo ou akoz mannyer ou'n viv e akoz tou sa ki ou'n fer. Ou pese i lakoz ou soufrans, ziska in pers ou leker.

Zeremi 9:14

Zot in prefere reste dan zot lantetman; zot in al ador bann fo bondye Baal, parey zot bann zanset in montre zot.

Zeremi 9:15

Alor, ekout byen sa ki mwan, SENYER liniver, Bondye Izrael, mon pou fer: Mon pou donn sa pep en plant anmer pour li manze e delo anpwazonnen pour li bwar.

Lamantasyon 3:19

Mazin mon lapenn ek mon maler, konmsi margoz anmer ki mon'n manze e fyel ki mon'n bwar.

Rit 1:20

Me i ti reponn zot, “Pa apel mwan Naomi, ki vedir Erez, apel mwan Mara, savedir anmer, akoz Bondye Toupwisan in rann mon lavi vreman anmer!