Lamantasyon 2:5 - Labib An Kreol Seselwa

⁵ SENYER in azir parey en lennmi. I'n detri Izrael, i'n detri son bann pale. I'n kraz son bann miray proteksyon. I'n ogmant latristes ek maler partou dan Zida.

Lamantasyon 2:5 ပူးပေါင်းရင်းမြစ်များ

2 Rwa 25:9

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Liv Zob 13:24

Akoz ou kasyet ou figir avek mwan e ou konsider mwan koman ou lennmi?

Liv Zob 19:11

Son lakoler in flanbe kont mwan; i konsider mwan pour son lennmi.

Psonm 89:40

Ou'n defons tou son bann miray; ou'n demoli son bann fortres.

Psonm 89:41

Tou dimoun ki pase i depouy li; tou bann vwazen pe gognard li.

Ezai 29:2

Mon pou kraz ou Ariel. Ou pou konn zis plere ek lamante; ou ava pour mwan parey en lotel kot ou bril sakrifis.

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 21:4

Al dir Sedesyas: La sa ki SENYER, Bondye Izrael, i deklare: Ou pe fer lager kont larme lerwa Babilonn ki'n anserkle ou lavil. Mon pou detourn kont ou, tou bann zarm ki ou pe servi kont lerwa Babilonn. Mon pou fors bann gerye ki pe anserkle ou pour retourn dan lavil.

Zeremi 30:14

Tou ou bann lanmoure in oubliy ou; zot nepli pran ka avek ou. Mon'n atak ou parey en lennmi i fer; mon'n pini ou san pitye, akoz ou bann fot i tre grav e ou'n fer en kantite pese.

Zeremi 52:13

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Lamantasyon 2:2

San okenn pitye, SENYER in detri tou bann vilaz dan Izrael. Dan son lakoler, in kraz bann lavil byen proteze dan Zida. In anmenn dezoner lo rwayonm e lo son bann sef.

Lamantasyon 2:4

Parey en lennmi, i'n viz son fles lo nou, son lanmen drwat i pare pour tire. I'n touy tou sa ki nou ti pli kontan admire. I'n devers son lakoler, parey en dife lo Siyon.

Ezekyel 2:10

I ti deroul li devan mwan; lo de kote, ti'n ekri: Lamantasyon, konplent, zemisman!

1 Samyel 28:16

Samyel ti dir, “Akoz ou'n vin konsilte mwan, la ki SENYER in abandonn ou e vin ou lennmi?