Lamantasyon 2:19 - Labib An Kreol Seselwa

¹⁹ Leve e Kriye tou lannwit. Vid ou leker devan SENYER, parey delo. Lev ou lanmen ver SENYER i ava sov lavi ou bann zanfan ki pe mor lafen dan tou kwen semen.

Lamantasyon 2:19 ပူးပေါင်းရင်းမြစ်များ

Liv Zob 3:24

Mon bann soupir in vin mon nouritir. Mon bann zemisman i devide parey delo.

Psonm 119:55

SENYER! Dan lannwit, mon apel ou non pour mwan obei ou lalwa.

Psonm 134:2

Lev lanmen ver sanktyer e loue SENYER.

Psonm 141:2

Aksepte mon lapriyer parey lansan ki mont kot ou e mon lanmen i leve parey en lofrann aswar.

Psonm 142:2

Mon devers mon problenm devan li; mon rakont li mon maler.

Psonm 142:3

Kan mon nepli annan kouraz, ou ki konn semen ki mon'n pran. Dan semen kot mon pase, zot in plas en latrap pour mwan.

Psonm 28:2

Ekout mon siplikasyon kan mon kriy ver ou. Mon lev mon lanmen ver ou, dan ou sanktyer sen.

Psonm 42:3

Lizour koman aswar, mon larm i mon sel nouritir. Zot demann mwan: Oli ou Bondye?

Psonm 42:4

Mon gard en bon souvenir dan mon leker: Mon rapel byen, mon ti pe marse avek lafoul. Mon ti pe mars devan laprosesyon ziska tanp Bondye. Ansanm avek lafoul dan lafet, nou ti sant bann kantik remersiman.

Psonm 42:8

Lizour, SENYER i montre mwan son fidelite. Aswar, mon sant pour li, mon priy Bondye ki donn mwan lavi.

Psonm 62:8

Pep! Fer li touzour konfyans. Dir li sa ki zot annan lo zot leker. Bondye i en labri pour nou.

Psonm 63:4

Mon pou kontinyen remersye ou tou mon lavi; mon pou lev mon lanmen pour glorifye ou non.

Ezai 26:9

Pandan lannwit, mon rod ou avek tou mon leker. Mon lespri i rod ou avek en dezir profon. Akoz ler ou aplik zizman lo later, bann zabitan lemonn i aprann pratik lazistis.

Ezai 51:20

Ou bann zanfan in tonm feb; zot in tale dan tou kwen semen parey en antilop ki'n ganny pri dan en latrap; lakoler SENYER in menas zot. Bondye in rezet zot.

Zeremi 14:18

Kan mon al dan lakanpanny, mon war zis kadav dimoun ki'n ganny masakre. Kan mon retourn dan lavil, mon war dimoun ki pe mor lafen. Profet avek pret i vwayaz atraver pei; me zot pa konpran nanryen.

Zeremi 9:20

Mon ti dir: Zot bann fanm! Ekout sa ki SENYER i deklare: Ouver zot zorey pour resevwar parol ki sorti dan son labous. Aprann sa kantik avek zot bann fiy sa lamantasyon avek kanmarad.

Ezekyel 5:10

Akoz sa, dan sa lavil, bann paran pou manz zot zanfan e zanfan pou manz zot paran. Mon pou egzekit mon zizman kont ou e dispers tou bann sirvivan, dan tou kote.

Ezekyel 5:16

Mon pou anvoy lanmor par mon bann dart ki anmenn lafanmin: Mon pou detri tou ou rezerv manze e fer ou mor lafen.

Mise 1:16

Zabitan Zerizalenm! Raz ou latet, koup ou seve, akoz ou bann zanfan byenneme. Fer ou latet sov parey en leg, akoz zot pe ganny anmennen annegzil lwen avek ou.

Nahoum 3:10

Malgre sa, zabitan Teb ti ganny anvoye annegzil. Son bann zanfan ti ganny kraze an pti morso dan tou bann kwen semen. Zot ti tir osor pour bann dimoun enportan; bann sef ti ganny ansennen.

Matye 14:25

Tar dan lannwit, Zezi ti mars lo delo pour al zwenn son bann disip.

Mark 1:35

Lannmen byen granmaten, ankor fernwanr, Zezi ti leve. I ti al an deor lavil, dan en landrwa dezer kot i ti priye.

Mark 13:35

Alor, veye! Akoz zot pa konnen kan met lakaz pou retournen, si aswar, minwi, kok-sante oubyen soley-leve.

Levanzil dapre Lik 6:12

Dan sa letan, Zezi ti al lo montanny pour priye. I ti priy Bondye tou lannwit.

1 Timote 2:8

Alor, mon demande ki bann zonm i priye partou; ki zot lev lanmen ver lesyel avek en leker pir, san okenn lakoler, ni dispit.

Ziz 7:19

Avek sa 100 zonm ki ti avek li, Zedeon ti ariv dan zanviron kan o konmansman vey minwi; ti fek ranplas gard. Zot ti soufle tronpet e kas zot bann potao ki ti dan zot lanmen.

1 Samyel 1:15

Ann ti reponn, “Non, mon pa sou, me mon en fanm byen malere. Mon pa'n bwar ni diven, ni okenn lalkol, me mon pe devid mon leker devan SENYER.

1 Samyel 7:6

Zot ti rasanble zot tou Mispa. Zot ti pran delo e vers ater devan SENYER. Zot ti fer en zenn sa zour e zot ti dir, “Nou'n komet pese kont SENYER.” Se la Mispa, kot Samyel ti ziz pep Izrael.