Lamantasyon 2:15 - Labib An Kreol Seselwa

¹⁵ Dimoun ki pase pe bat lanmen deryer ou, Zerizalenm. Zot sifle, zot sekwe zot latet, zot riy ou. Sanmenm sa lavil ki ti labote parfe; ki ti fer lazwa later antye?

Lamantasyon 2:15 ပူးပေါင်းရင်းမြစ်များ

2 Rwa 19:21

La parol ki SENYER in prononse kont li: Siyon i mepriz ou, i ensilte ou; Fiy Zerizalenm i sekwe latet deryer ou ledo.

2 Kronik 7:21

Kan dimoun ki pas par la, pou war sa tanp ki ti sitan ganny onore pou demande: Akoz SENYER in fer sa avek sa pei ek sa tanp?

Psonm 109:25

Mon bann akizater i gognard mwan; ler zot war mwan dan semen, zot sekwe latet.

Psonm 22:7

Tou sa ki war mwan i boufonn mwan; zot gognard mwan, zot sekwe zot latet:

Psonm 48:2

Montanny Siyon, lavil gran lerwa dan Nor, i en lavil elegan. I fer lazwa lo later antye.

Psonm 48:3

Bondye ki asir sekirite dan lavil i en fortres.

Psonm 50:2

Depi Zerizalenm, sa lavil avek en labote parfe, SENYER i aparet dan lalimyer.

Psonm 64:8

Zot prop parol pou fer zot tonbe. Dimoun ki war zot i balans latet.

Ezai 28:21

Akoz SENYER pou leve parey lo montanny Perazim, i pou pran lakoler parey dan vale Gabaon, pour li fer son travay, en drol kalite travay! E pour fini sa travay, en travay ekstraordiner!

Ezai 37:22

la parol ki SENYER in prononse kont li: Lavil Siyon i mepriz ou, i ensilte ou. Zerizalenm i ridikiliz ou deryer ou ledo.

Ezai 64:11

Nou manifik tanp sakre, kot nou bann zanset ti loue ou, in ganny detri par dife e tou nou bann landrwa lapriyer in osi ganny detri.

Zeremi 18:16

Zot in telman devaste pei, ki tou dimoun ki pas par la i soke e sekwe latet.

Zeremi 19:8

Mon pou met sa lavil dan en tel leta degoutan, ki tou dimoun ki pase pou ganny en sok e zot ava kriye ek sezisman devan en tel destriksyon.

Zeremi 25:18

Mon ti konmans par Zerizalenm ek bann lavil dan Zida, avek zot lerwa ek zot zofisye. Tou sa bann lavil ti ganny transformen koman en landrwa devaste, en landrwa malediksyon; i parey ankor ozordi.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 26:6

alor, mon pour detri sa tanp parey mon ti fer kraz sa enn ki Silo e fer Zerizalenm vin en malediksyon pour tou bann nasyon ki lo later.

Zeremi 29:18

Mon pou kontinyen pourswiv zot avek lager, lafanmin e lepidemi, de sort ki tou bann rwayonm lo later ava tranble avek lafreyer kan zot ava war tousala. Partou kot mon pou dispers zot, dimoun pou soke e zot pou per kan zot ava war sa ki'n ariv zot. Dimoun pou mepriz zot e zot non pou vin en malediksyon.

Zeremi 48:27

Moab! Ou ti abitye mepriz pep Izrael. Ou ti sanble pran li pour en voler. Annefe, sak fwa ki ou ti koz lo li, ou ti sekwe ou latet avek degou.

Zeremi 51:37

Mon pou fer Babilonn vin en ta ros, kot zannimo sovaz ki pou viv; en landrwa devaste ki pou fer per, En landrwa kot personn pa pou reste.

Lamantasyon 1:21

Zot in antann mwan plennyen; napa personn pour konsol mwan. Tou mon bann lennmi in antann mon maler e zot kontan sa ki ou'n fer avek mwan. Fer vini sa zour ki ou'n promet, pour ki zot osi, zot ava vin parey mwan.

Lamantasyon 1:8

Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Lamantasyon 2:16

Tou ou bann lennmi pe koz kont ou. Zot sifle avek ou, zot monk ou. Zot kriye: Nou'n detri li; Nou'n war sa zour ki nou ti pe espere.

Lamantasyon 2:6

I'n defons son miray konmsi baraz en zarden e detri landrwa kot zot rankontre. SENYER in fer pep Izrael oubliy bann zour lafet ek saba. Dan son gran lakoler, in abes bann lerwa ek bann pret.

Ezekyel 16:13

Ou ti ganny ornen avek lor ek larzan; ou ti abiye dan lenz linenn fen, laswa ek latwal brode. Ou ti manz lafarin meyer kalite, dimyel ek delwil. Deplizanpli, ou ti vin pli zoli, parey en larenn.

Ezekyel 16:14

Ou ti renonmen parmi bann nasyon pour ou labote ki parfe, akoz mon ti'n orn ou avek mon laglwar. Senyer BONDYE ki deklare.

Ezekyel 23:32

La sa ki Senyer BONDYE i deklare: Ou pou bwar menm lakoup avek ou ser, en lakoup byen larz e byen fon. Ou pou ganny riye e gognarde, akoz ou lakoup i byen plen.

Ezekyel 25:6

La sa ki Senyer BONDYE i deklare: Akoz ou'n bat lanmen, ou'n danse, ou'n pile, ou'n selebre depi dan fon ou leker lo maler Izrael,

Ezekyel 5:15

Kan mon pou egzekit mon zizman avek tou mon gran lakoler, mon pinisyon pou terib. Bann nasyon dan zalantour pou monk zot e ensilte zot. Zerizalenm pou vin en lavertisman e en lafreyer pour bann nasyon. Mwan SENYER ki deklare.

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Mise 6:16

Ou'n gard bann lalwa Omri, e tou bann pratik lafanmir Akab; ou'n swiv tou zot konsey. Alor, mon pou detri ou lavil; dimoun pou monk bann zabitan e ou pou tonm dan laont.

Nahoum 3:19

Napa okenn remed pour ou blesir. Ou bann blesir i mortel. Tou sa ki pou antann ou nouvel, pou bat lanmen. Annefe, personn pa'n kapab sap ou bann kriyote san lafen.

Sofoni 2:15

Sanmenm sa ki pou arive avek Niniv, sa lavil fyer ki ti an sekirite. Son bann zabitan ti dir: Mwan ki la! Napa koman mwan! Aprezan, in ganny detri; i'n vin en landrwa maske pour zannimo! Tou sa ki pas par la i gognarde e fer bann zes endesan.

Matye 27:39

Dimoun ki ti pe pase ti sekwe latet e ensilte li:

Mark 15:29

Dimoun ki ti pe pase, ti ensilte li. Zot ti sekwe latet. Zot ti dir, “Ou ki ti pou detri Tanp e rekonstri li dan trwa zour,