Lamantasyon 2:14 - Labib An Kreol Seselwa

¹⁴ Ou bann profet ti ganny bokou vizyon ki ti zis mansonz pour anbet ou. Si zot ti'n fer ou konn ou fot, ou sityasyon ti ava'n kapab sanze. Me zot mesaz ti zis mansonz.

Lamantasyon 2:14 ပူးပေါင်းရင်းမြစ်များ

Ezai 58:1

Kriy byen for! Pa per pou fer tande ou lavwa! Fer ou lavwa rezonnen parey en tronpet! Dir mon pep son bann fot e desandan Zakob son bann pese.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 20:6

Kanta ou, Pasour, ou pou ganny kaptire e ganny anvoye Babilonn avek tou ou fanmir. Ou pou mor e ganny antere laba avek tou ou bann zanmi avek ki ou'n anons mansonz.

Zeremi 23:22

Si zot ti konn sa ki mon mazinen dan sekre, zot ti ava'n proklanm mon mesaz avek mon pep. Konmsa, zot ti ava'n kapab fer lepep sanz son mannyer viv, e son move mannyer fer.

Zeremi 23:36

Fodre pa ki lepep i koz lo fardo ki SENYER in met lo nou, akoz parol SENYER i zanmen en fardo. Si ou koz konmsa, ou pe detourn Parol Bondye ki vivan, SENYER liniver, nou Bondye.

Zeremi 28:15

Profet Zeremi ti dir profet Hananya: Hananya! Ekout mwan byen. SENYER pa'n anvoy ou e ou pe fer sa pep krwar dan en mansonz.

Zeremi 29:21

La sa ki SENYER liniver, Bondye Izrael i dir konsernan Akab, garson Kolaya, lo Sedesyas, garson Maaseya ki pe koz mansonz lo mon non. Mon pou livre zot dan lanmen Naboukodonozor, lerwa Babilonn ki pour met zot anmor devan zot lizye.

Zeremi 37:19

Oli ou bann profet ki ti anons ou ki lerwa Babilonn pa pou atak ou, ni sa pei?

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Lamantasyon 4:13

Sa in arive akoz pese son bann profet e fot son bann pret ki ti fer koule parmi zot disan dimoun inosan.

Ezekyel 13:22

Par zot mansonz, zot dekouraz bon dimoun, kan mwan mon pa'n fer li, e zot in ankouraz bann malfeter dan zot mesanste e anpes zot kit zot move konportman. Alor, permet zot viv.

Ezekyel 22:25

Son bann profet i parey bann lyon ki kriye e desir en zannimo ki zot in atrape. Zot in touy dimoun, vol zot larzan ek zot byen presye e les deryer en kantite vev.

Ezekyel 22:28

Zot bann profet i kasyet tousala anba en kous lapentir. Zot rakont fo vizyon ek mansonz ki zot envante. Zot dir: La sa ki Senyer BONDYE in dir, alor ki SENYER pa'n dir nanryen.

Ezekyel 23:36

SENYER ti dir mwan: Ou ki en imen, eski ou pare pour ziz Ohola ek Oholiba? Met devan zot, zot bann pratik degoutan.

Oze 9:7

Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Mise 3:8

Me mwan, mon ranpli avek lafors, avek lespri SENYER, lazistis ek kouraz, pour denons Zakob son bann lenfidelite e Izrael, son pese.

Sofoni 3:4

Son bann profet i en bann bandi ki pe tronp dimoun. Son bann pret in mank respe pour sa ki sakre; zot in vyol lalwa.