Lamantasyon 2:11 - Labib An Kreol Seselwa

¹¹ Mon lizye i fatige plere. Mon leker i boulverse, mon dan dezespwar. Lennmi in detri mon pep. Bann zanfan e bann pti baba pe mor lo bann semen dan lavil.

Lamantasyon 2:11 ပူးပေါင်းရင်းမြစ်များ

Liv Zob 16:13

Son bann dart i soufle otour mwan. Zot in vin transpers mon leren. San pitye, i pers mon fyel; e mon labil i koul ater.

Liv Zob 30:27

Tou i boulverse dan mon vant, e mon san repo. Bann zour maler in tap mwan.

Psonm 119:82

Mon lizye i fatige afors esper sa ki ou'n promet. Mon demande: Kan ou pou konsol mwan?

Psonm 22:14

Mon lafors in koule parey delo; tou mon bann lezo in large. Parey lasir, mon leker i fonn dan mon pwatrin.

Psonm 31:9

Pran pitye pour mwan, SENYER! Mon dan langwas. Mon lizye, mon lagorz ek mon vant i brile avek sagren. Mon lekor antye in karyate.

Psonm 38:8

Mon nepli annan lafors, mon'n kase; mon ronfle avek douler dan mon leker.

Psonm 6:7

Mon lizye i anfle avek sagren, mon nepli war kler akoz mon bann lennmi.

Psonm 69:3

Mon fatige afors kriye; mon lagorz i sek. Mon lizye i fatige afors esper mon Bondye.

Ezai 22:4

Alor mon ti dir: Pa pran ka pour mwan; les mwan vers bann larm anmer; pa esey konsol mwan lo destriksyon ki'n arive lo mon pep ki mon kontan.

Ezai 38:14

Mon kriye parey en zirondel; mon plennyen parey en tourtrel. Mon lizye i fatige afors get anler ver lesyel. SENYER! Sekour mwan dan mon lapenn.

Ezai 51:20

Ou bann zanfan in tonm feb; zot in tale dan tou kwen semen parey en antilop ki'n ganny pri dan en latrap; lakoler SENYER in menas zot. Bondye in rezet zot.

Zeremi 14:17

La sa ki ou ava dir lepep: Mon lizye i ranpli avek larm nwit e zour; mon pa aret plere, akoz mon pep ki mon kontan parey mon fiy in soufer en kantite. Son blesir i vreman grav.

Zeremi 4:19

Zot! Mon vant i fer mal. I vreman fer mal! Mon leker pe palpit anmor. Mon pa kapab reste trankil. Mon bezwen koze. Mon antann tronpet pe soufle ek bann tapaz lager.

Zeremi 44:7

Aprezan, SENYER liniver, Bondye Izrael i demande: Akoz eski zot fer zot menm tou sa kantite ditor? Eski zot oule anmenn destriksyon total lo zonm, fanm, zanfan e pti baba? Eski zot oule ki zot pep i disparet?

Zeremi 8:19

Ekoute! Partou dan pei, mon pep pe kriy osekour: Eski SENYER in abandonn Zerizalenm? Eski son lerwa in rezet li? SENYER zot lerwa i reponn: Zot in fabrik bann fo bondye e zot in ador bann bondye etranze. Sanmenm sa ki fer mwan ankoler. Akoz zot ti fer sa?

Lamantasyon 1:11

Tou bann zabitan pe plennyen; zot pe rod keksoz pour manze. Zot fer lesanz zot bizou pour ganny manze, pour zot repran en pe lafors. Zot sipliye: Get mwan SENYER! Get mon lanmizer.

Lamantasyon 1:16

Se pour sa bann rezon ki mon pe plere. Mon lizye pe noye dan larm, akoz mon konsolater, sa enn ki kapab redonn mwan lavi, in abandonn mwan. Napa okenn lavenir pour mon bann zanfan, akoz lennmi in ranport laviktwar.

Lamantasyon 1:20

SENYER! Gete dan ki maler mon ete; gete koman mon boulverse; mon leker i fer mal akoz mon'n revolte kont ou. Deor, dimoun pe ganny masakre. Dan lakaz, ou war zis lanmor.

Lamantasyon 5:17

La rezon akoz nou leker i malad. La rezon akoz nou pa war byen kler:

Levanzil dapre Lik 23:29

Ler pe vini kan dimoun pou dir: Ere bann fanm steril ki pa'n zanmen fer zanfan, ni donn tete.

1 Samyel 30:4

Alor, David ek tou lepep ki ti avek li ti plere, ziska ki zot ti nepli annan lafors pour plere.