Lamantasyon 1:8 - Labib An Kreol Seselwa

⁸ Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Lamantasyon 1:8 ပူးပေါင်းရင်းမြစ်များ

Zenez 3:7

Zot lizye ti ouver, e zot ti remarke ki zot ti touni. Zot ti koud fey fig ansanm pour kouver zot.

1 Rwa 9:6

Me si ou detourn ou e ou pa swiv mwan; si, ni ou, ni ou bann zanfan pa gard mon komannman ek mon bann lalwa ki mon plas devan ou, me ou al swiv lezot bondye e ador zot,

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

1 Rwa 9:9

Alor, zot ava reponn: Akoz zot in abandonn SENYER, zot Bondye ki'n fer zot zanset sorti Lezip, me zot in servi e ador lezot bondye; pour sa rezon ki SENYER in fer tou sa bann maler tonm lo zot.

Ezai 47:3

Dimoun ava war ou touni e zot ava war sa ki fer ou laont. Mon pou revanze e mon pa pou eparny personn.

Zeremi 13:22

Si ou demann ou lekor: Akoz tousala in arive ou? Akoz sa kantite fot ki ou'n fer kan ou rob ti ganny desire e ou ti ganny vyole.

Zeremi 13:26

Mwan osi, mon pou lev ou rob lo ou figir e tou dimoun ava war ou touni.

Zeremi 15:4

Kan zot ava war sa pep, tou bann rwayonm lo later pou tranble avek lafreyer. Sa i rezilta tou sa ki Manase, garson Ezekyas ti fer dan Zerizalenm, letan i ti lerwa Zida.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Zeremi 32:23

Zot ti vin dan sa pei ki zot ti pran posesyon. Me zot pa ti ekout ou lavwa, ni obei ou komannman; zot pa ti viv dapre ou lalwa; zot pa ti fer nanryen sa ki ou ti'n ordonn zot fer. Pour sa rezon ki ou ti fer tou sa bann maler tonm lo zot.

Zeremi 34:17

Alor, la sa ki SENYER i deklare: Zot pa'n obei mwan, akoz zot pa'n liber zot frer e zot prosen, parey mon ti'n ordonn zot. Pour sa rezon, mon pou rann ou lib: Ou pou lib pour ou ganny detri dan lager, par lepidemi ek lafanmin. SENYER ki deklare. Alor, tou bann rwayonm lo later pou tranble avek lafreyer kan zot ava war ou.

Zeremi 4:31

Annefe, mon'n antann kriye konmsi en manman ti pe ganny son premye baba. Sa ti Zerizalenm ki ti pe kriye pour esey pran respirasyon. Lanmen anler, i pe kriye: Maler i lo mwan! Zot pe vin touy mwan!

Zeremi 6:28

Zot tou, zot en bann rebel andirsi ki senm rimer partou. Zot leker i dir parey bronz ek fer. Zot tou, zot bann malfeter.

Lamantasyon 1:11

Tou bann zabitan pe plennyen; zot pe rod keksoz pour manze. Zot fer lesanz zot bizou pour ganny manze, pour zot repran en pe lafors. Zot sipliye: Get mwan SENYER! Get mon lanmizer.

Lamantasyon 1:17

Siyon i lev lanmen, me napa personn pour konsol li. SENYER in donn lord bann vwazen pour atak Izrael par tou kote. Zerizalenm in vin en ta salte parmi zot.

Lamantasyon 2:10

Bann ansyen dan Zerizalenm in asiz ater san dir nanryen. Zot in kouver zot latet avek lapousyer e zot in met lenz dey. Bann zenn fiy dan Zerizalenm in bes zot latet ater.

Lamantasyon 4:21

Nou swete ki bann zabitan Edonm ek Our ava zwaye; zot ava fer lafet. Me mon pou pas lakoup avek zot osi; zot pou sou e zot pou ekspoz zot touni.

Ezekyel 23:29

Zot pou tret ou avek laenn e sezi tou bann prodwi ou travay. Zot pou kit ou konpletman touni e met deor an piblik tou ou bann move lavi ek ou prostitisyon.

Ezekyel 23:46

La sa ki Senyer BONDYE i deklare: Rasanble lepep kont zot; fer zot tranble; depouy zot avek tou sa ki zot posede.

Ezekyel 39:23

Bann nasyon etranze ava konnen ki pep Izrael ti ganny deporte akoz son pese, son lenfidelite anver mwan. Mon'n detourn mon vizaz avek zot e mon'n abandonn zot dan lanmen zot lennmi ki'n masakre zot.

Oze 2:10

Aprezan, mon pou tir li touni devan son bann galan. Personn pa pou delivre li dan mon lanmen.

Oze 2:3

Sankwa, mon pou tir li touni, parey i ti ete zour son nesans. Mon pou fer teritwar Izrael vin en dezer; mon pou fer li vin en later konpletman sek. Mon pou fer li mor laswaf.

Revelasyon 3:18

Pour sa rezon, mon konsey ou: Vin aste avek mwan lor ki'n ganny teste dan dife, e ou ava vin ris. Vin aste lenz blan kot mwan, pour ou abiye e kasyet laont ou touni. Vin aste osi en remed pour ou pas lo ou lizye pour ou kapab war kler.

1 Samyel 2:30

Alor la sa ki SENYER, Bondye Izrael i deklare: Mon ti promet ou fanmir ek fanmir ou papa ki zot pou vin mon pret pour touzour. Me la aprezan SENYER i deklare: Aprezan, mon onor sa ki onor mwan, me sa ki mepriz mwan, pou ganny meprize li osi.